((( صياف ))) قالوا سعيد سنافي و إنتفخ برطمه

العازمي حضر الدفتر و جاب إقلمه= و الظاهر أن النتيجه جابها جابها
لو يسمع العلم يوم العازمي علمه= يمديه وصل القصو و سكر ابوابها
حي الله الحربي اللي كلمته في فمه= لكن ما أقول إله و إلا موصابها
أنا لقيت إلك صوره داخل المحكمه= إمعلقه بين قاضيها و كتابها
أشوف لي واحدٍ ياطأ براس إقدمه= ماعاد ينشد عن الرجلين و أكعابها
إليا زهمت العرب صياف لاتزهمه= و الصورة اللي لقيت إصحى تلوابها
قالوا سعيد سنافي و إنتفخ برطمه= متى البعارين شافت عوجة أرقابها
لاتدعي بالنبوة تارث مسيلمه= المشأمه ماتضحى غير باصحابها
أياك تزعل سعيد لأمتلأ محزمه= ياخذ عليك الغنيمة و إتعدى بها
اللي فوسط المخازن بآخذه و اقسمه= ماني مسلم لك الخزنه و تضرابها
السيل من يوقفه و الداب من يلزمه=ياطيب بعض الحروب إتفتل أشنابها
أنا احسبنك تشوف العاصي و تدحمه=و أثرك تخفي علومٍ مادرينابها
و الله لو نمسك الرجال مانرمحمه= و تصير قصه مع العربان يحكابها