لها سبب من الأسباب

سبب القصيده أنه كنا في رحلة قنص وكان معنا شخص يدعى (منيف) وعندما نزلنا أغراضنا على حاير ماء من السيول وقمنا في تجميع الحطب وتصليح قهوتنا أصابت منيف شوكه بسيطه وتعذر عن قيامه معنا في تجميع الحطب

((وأبتلش منيف في شوكته))

وصار سببً في هذي القصيده

يامنيف صوابك شوكتن من شضى الشيف=لاتشتكي يامنيف جرح العوافي
وأنا صوابي بين الأضلاع يامنيف=يامنيف من بين الضلوع النحافي
مبطي عليه أسنين يامنيف ومخيف=يامنيف ولف أرقيقات الأشافي
أزريت لنسى فنهن والغطاريف=وهرجن هوى لنفوس ناسه وكافي
ويامنيف حب مصوبات المواليف=من جنت الدنيا عليه الحسافي
صويبهن يامنيف نومه تخاطيف=ومتبينن يامنيف بين وخافي
عشبن نبت في عاليات الشفاشيف=ومسه ضما يامنيف قدام يافي
مشوهن يامنيف من لاهب الصيف=قبليتن تنسف عليه السوافي
يامنيف هذي حالته والتواصيف=ولا أنت ماتدري سليم متعافي
طرادهن يامنيف ماله مناكيف=ولو أنكفنبه يرجعنبه خلافي
ويامنيف لو ترك الموده على الكيف=سويت مثل مقيلن الفيافي
ويامنيف لو شفت الطواري مراديف=تمش النهار وتسري الليل حافي
شكواي لله مابيدي تصاريف=نوبن عجاج ونوبن الجو صافي