مرحبا ترحيبة الاسلام في بيت المدينة

هذه المحاوره جرت بين الشاعرين في بيت المدينه ضمن مهرجان الجنادريه

مرحبا ترحيبة الاسلام في بيت المدينة = الذي شيد على ارض العاصمة للي يزوره
يابلادي دام عزك في رخا وامن وسكينه = في ذرى الله ثم ذرى حكم الملوك اخوان نوره
البقا ووجودكم ووجودنا فرصه ثمينه = فالمحل اللي منور ليلينا من زود نوره
يابلادي دام عزك في ذرى اليمنى الأمينة = البلاد اللي بشرع الله على العز امعموره
دايم المسلم معه غيره على عرضه ودينه = والمخالف كل مايبحث عنه تشويه صورة
وانت ياراشد مسافر فالبحر فوق السفينه = والمسافر بآخر الرحلة يعبر عن شعوره
واحد ماهو غيور لدينه الله لايعينه = ليه نخطي والشريعة واضحة والأمر شوره
السفينة مابها إلا الكبتن اللي فالكبينة = جايز انا ناصلة ونكلمه عند الضرورة
الخطا وارد لاكن من القريب اكبر غبينة = مير مال الشر طب الا اجتثاثه من جذوره
خلها بيني وبينك والخطر بينك وبينه = سور واقي يحمي المخطور من شر الخطورة
ياحبيب يمكن الواحد يشكك في قرينه = والصحيح الشمس كوكب ثابته والأرض كوره
من يقول انه ليا مرض الجمل يكوى سنينه = يلتمس له عذر مير النفس ماهي بمعذورة
الرجال ارجال ثم جبال وحصون حصينة = والزمن ياكثر فضله والدهر ياكثر جوره
علموا راشد يوضح دوره الله لايهينه = الشجيع اللي يحسم المعركة والدور دوره
كم باقي عن طلوع الشعرة اللي فالعجينة = شعرة لو خمها واحد غلط نشبت بزوره
دورنا دور الولا والصدق في وقته وحينه = ماتقوله في غياب الرجل قوله في حضوره