مع الشاعر الكبير راشد السحيمي

بسم الله الرحمن الرحيم
السلام عليكم ورحمة الله وبركاته

هذه محاورة بين الشاعر معتق العياضي والشاعر الكبير راشد السحيمي الذي أتى كتشريف للحفل وبعد إصرار الجمهور عليه باللعب .

هلا مرحبا باللي حضر بالبعيجان =هلا مرحبا يا طيبين الرجالي
ياراشد ترى للخيل للخيل ميدان =اعرف الإجابه مالقيت السوالي
يدوم البقاء والليلة الصدر مليان =ياليتك تشوف لحاجه اللي ببالي
ابرد العياضي صاحبي مثل ماكان = لكني مابيك تضيق ياراس مالي
يقولون ماللحمل ياغير شقران =وشقران اعده من خيار الجمالي
تقوله ولايمديك ياطير حوران = ترى الطير جاله ريش ياهملالي
بعلمك ماشي نار من غير دخان =وانا ابغاك يوم أغيب تكفي بدالي
لسانك تعوّذّ منك في بعض الأحيان =انا عود وانته واحد من عيالي
أنا حاضر بدالك على طول الأزمان = وانقد علومي مثل نقد الريالي
ترانا ياراشد ياولد مثل الأخوان = لاتنظر للاقصى مير شوف الموالي
عطيتك عصا موسى وخاتم سليمان= وانا مشتريها كلها من حلالي
لكن المصيبة خان فرعون هامان =عسى الله يستر باقيات الليالي
سلمت وكرمت ولاتروح على شان = على شان اشيل البشت هو والعقالي
مادام انت خايف ودي اعطيك الامان = على شان ماتسمع لقيل وقالي
الاحسان يامعتق يجازى بالاحسان=ياليتك رويت من القراح الزلالي
يامعتق عصايه تحكم الانس والجان = ولكن مدري كيف اصفق لحالي

وكانت في منتزه البعيجان بالمدينة المنورة .

صح لسان الشاعر الكبير راشد السحيمي
والنجم المبدع دائما معتق العياضي

وبيض الله وجهك أخي عوض العياضي على النقل الرائع .

صحت ألسنتهم وبيض الله وجيههم شعراء كبار
ومشكوووووووووور أخي عوض وبيض الله وجهك .

صح لسان الشاعرين نجمين من نجوم القلطه
لاهنت الله يبيض وجهك
وأتمنى لهم التوفيق حيث انهم عينان في رأس

بيض الله وجهك ووجيهم

محاوره بين شاعرين كبارالسحيمي والعياضي

صح لسان الشاعرين الكبيرين

والله يعطيهم العافيه

ومشكور اخوي عوض العياضي

الاحسان يامعتق يجازى بالاحسـان=ياليتك رويت من القـراح الزلالـي
يامعتق عصايه تحكم الانس والجان=ولكن مدري كيف اصفـق لحالـي

صح لسان الشاعرين

و مشكور ع النقل

محاوره رائعة من قبل الشاعرين

صح لسان شاعر حرب راشد السحيمي ولايهون شبل حرب ..