رجالله المحمدي رحمه الله وخليف بن دواس

هذا طاروق بين الشاعر الكبير رجالله المحمدي الحربي رحمه الله والشاعر خليف بن دواس المطيري

انا بقريش انا بهذيل انا بسليم ابن عباد=اخير الناس واهل الديره اللي لاح بارقها
بنا فخر النبوه والرساله واطول الامجاد=منار العالمين بدولـةٍ خضـرٍ بوارقهـا
انا حربي ولد حربي شبابي والسيوف احداد=ليا قمنا نشب النار فـي خنـذف ونحرقهـا
عسى مالله يكثر شكل ابو طارق مع الا جواد=وجيه الخير مجتمعه وابو طـارق يفرقهـا
اويش الخير فيكم يالبقايا من ثمود وعـاد=بعد معطاكم الله سورة الطـارق بطارقهـا
على ظهر الجمل منا لها قيد ورسن وشداد=لهلها باقيه ومسيلمـا الكـذاب سارقهـا
واحد منا بميه من مطير عيال بن شـداد=وميه من شيوخ مطير نغرقها ونشرقهـا
يقولون الرجال خليف راضع مع سعد حداد=ويتخفى وراء البيبان لين يجيه طارقهـا
لنا تاريخنا الهجري ولك تاريخك الميـلاد=تحسب انا كما حوت البحر تمسح عواتقها
انا من علي صيحه يارجالله واسلم المقداد=دخل في غرفة المياسه اللي كان عاشقها
لكم تاريخ في رعي الغنم والصدر والميراد=ولو قال المطيري غيرها محـدٍ مصدقهـا
يارواد الاراضي حرب في سطح القمر رواد=ولا ياخليف روح وطبق المشلح وعلقهـا
بسيف المجد نرحل من بلاد ونستحل ابلاد=واخذنا من مغاربها واخذنا من مشارقهـا
اممنا الجمع ونقود المعارك من وراء بغداد=على ارضٍٍٍٍ بالحجاز ابمعجزه نثبت حقائقها
تقوله وانت رحت وجيت في ضبط البعير قـراد=تهز الـراس بيـن ايديـك وعيونك تبحلقهـا
انا اعطيتك صابون قلوب واعطيتك صابون اكباد=والى هالحين ربعك تغـرف البحـر بملاعقهـا
ولد عباد طول الوقت واقف لك على المرصاد=يعرف الارض وانته صرت فاسق من فواسقها
ولا ياعقلي اللي له على الماضي حنين افواد=متى بايامنـا ترجـع وراء وتعـود سبقهـا
تساوا فوق سطح الارض لا يجمد عليك اجماد=ومن شايل بجيبه صورة مطيـري يشققهـا

بيض الله وجهك اخوي احمد الله يعطيك العافيه

انا حربي ولد حربي شبابي والسيـوف احـداد
ليا قمنا نشب النار في خنذف ونحرقها

رحمك الله يارجاءالله الحبلاني المحمدي فهو شاعر لايشق له غبار


ويعطيك العافية ياالطريسي وماقصرت

مشكور و صح لسان الشاعرين

و رحم الله رجاء الله

اخوي جريح الفرقا وجهك ابيض وتسلم على مرورك العطر لاهنت

بن خولان الله يعافيك ولاسويت غير الواجب وتسلم على مرورك العطر

المراقب المبدع والخلوق حميدان العوفي تسلم على مرورك العطر لاهنت

الله يعطيك العافيه
رحم الله الشاعر الكبير رجالله المحمدي
لك كل الشكر والتقدير على النقل الجميل

رحمت الله عليك يارجالله

وشكرا لهذا النقل بيض الله وجهك من كل شهر30يوم

	المشاركة الأصلية كتبت بواسطة البلادي الحربي

	الله يعطيك العافيه رحم الله الشاعر الكبير رجالله المحمدي لك كل الشكر والتقدير على النقل الجميل

اخوي البلادي الحربي الله يعافيك ويرحم رجالله
لك كل الاحترام على مرورك الراقي