مروي ضما العطشان

بسم الله الرحمن الرحيم

الحمدلله رب العالمين وصلى الله وسلم على رسوله الأمين وبعد :
لقد مرت ذكرى مريره على القلب بعد عام من موت رجل ٍعزيز من أعز رجالات القبيله -------------------------------------------------------------------------------------------------------------------------------------------------- الشيخ الكريم /فالح بن صلبي الفريدي رحمه الله رحمة واسعه فقد حركت ذكرى موته الحزينه القريحه وجادت بهذه القصيده ومهما مرت من سنوات. فلن يغيب عن مخيلتي هذا الرجل الشهم .

الـله يايـوم ٍ حـدث فـيه تـغـيـيـــر== يـــوم ٍيــزلـزل محدبات الــــحـنــايـــا
يـوم ٍفـقـدنـا فـيه رأس الـمـناعـيـر==رمــزالـكـرم والـجـودعــذب السـجايــا
فالح غريب الجــنس راع المغاتــير==الــلي حــفــظهــن لــيـن جته المنايــا
مروي ضما العطشان من جمّة البير==يانــي عــقب فــرقـاه زايـد ضـمايـا
مهــما كـتـبــت من الشعر والـتعابير==ماتـنـطــفي نـــار ٍ تــشب إبـحـشايـا
لـجــلـه هموم القلب ورد ومصادير==مــوتــه عـــليــه من كـبار الـرزايــا
أمـير فـالح غـصب من غـير تأمير==أمـارتــه حـاشــه بــحسـن الــنـوايــا
وحاشه ببذل الجاه وصرف الدنانير==يـبي بـهـا يـكسـب جــمـيـل الـمزايـا
ماهــو مـن الـلي رفـقـته مابها خير==مـشيـّك مـعـه يـسقـطـك بـين الـبرايا
لكنّ أبـوسـلـطان مــشي ٍمــعـه غير==تـكسب مـنه طـيـب الـفعل والحكايـا
عـرفـه مـعـزه لـك وشـيمـه وتوقير==مـاتـفـخر إبـرفــقـة جـزيـل الـعـطايـا !
دسـم الـصحن كساب سمعه وتقـدير== يأسـرك فـي حلـو الــنبــأ والـتحـايـا
حـلحـيـل حـلال الـقـضايا المعاسيـر==كـم حـل في حـسن التصرف قضايـا
رزين عـقـل وراي ضـــد المعـاذيـر==لــه وقــفــة ٍتـنـقـذ أسـيــرالــبــلايــا
رجل المروه يوم بعـض الـمخاسير==مـن دون كـسب الـطـيب سووا سوايـا
بــه غيرة ٍعـلى الشرف لومع الغير==نـفسـه ومالـه دون عــاره ضـــحايـــا
ســـد مـنيـع ٍفـي وجـيـه المقـاشـير==مـن يوم طاح السد شـفــنــا الــدهــايــا
يالـلـه يامـنشي الغـيـوم الـمـزابـيـر==يـاعـــالــم ٍمـابــالـجهــر والـخـفـايــا
ياممسك ٍبين الوطا والفضاء الطير==يامـحيي الأموات تـقـبل دعــــــايـــا
إرحم حميد الذكر وجعـله في خير==وإسمح عــنه نقـص البشر والخطايا

الشاعر/عبدالله السليمي( الصقعري)
أبومعــــــــاذ

شكرا على نقل القصيده وصح لسان الشاعر والله يرحم فالح واموات المسلمين

رحم الله الشيخ الكريم /فالح بن صلبي الفريدي



وصح لسان الشاعر وبيض الله وجهك



لاهنت

رحم الله الشيخ الكريم /فالح بن صلبي الفريدي

الله يعطيك العافيه على النقل وصح لسان شاعرها

رحم الله الشيخ الكريم /فالح بن صلبي الفريدي

وصح لسانك

وتنقل لملتقى القوافي
لمكانها المناسب

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

صح لسانك اخوي
لا عدمنا ابداعك

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك وبيض الله وجهك

والله يرحم الشيخ فالح الفريدي ويسكنه الجنه

تقبل كل الاحترام

اعجابي بلا حدود
صـــح لسانك