مساجله مع الشاعر / بدر الحويفي

وصلتني هذه الابيات من الشاعر الكبير /بدر الحويفي

يازيد يانجل الرجال الميامين=يابو فهد يابن الرجال الحشاما
حركني الهاجس وصنفت بيتين=وابستشير محكمين الكلاما
نصيت لي رجال يملك ملاين=غير السلف يازيد مالي مراما
وعودت ماحصلت من لازمي شين=من شخص ماله بالمروه نظاما
يازيد لو كل الرجاجيل وافين=ماصار بالعالم عفون ونشاما
الطيب منهاج الرجال الوفيين=ولا العفون من الرجوله يتاما
ماهم على فعل المروه حريصين=هدفهم المقصود جمع الحطاما
والادمي يازيد مخلوق من طين=ومدح الردي بدعه وذمه حراما

هذا

ردي على قصيده بدر:

ياشامخ النابين خلك على يمين=ياسامياً عن كل هفوه تساما
مانته بحاجه راي بعد الثمانين= باللي مضى رايك قناد الضراما
ولانته بغاوي وين يابدر ومنين=تعرف نوايا مفطرين الصياما
اللي لهم مع هزل الالحان تلحين = شتى وفصايلهم فصيله تواما
مجبور واحدهم يجي ثالث ثنين=ويصحي الفتنه واهلها النياما
وانا اقتدي بافكار بعض المسنين=اللي تجاربهم تفيد الغشاما
حطولهم عن كل منقود تامين=وعيونهم عن كل هفوه تعاما
والله خلق بالناس هزلا وجزلين=ومهديهم النجدين قبل الفطاما
كل على ماله مليك الخيارين=ان جاد يشكر وان ابأ مايلاما
الا الذي بالواجبه بين قوسين=لاصار ماله بالزوم التزاما
والطيب ماهو بالرجاجيل تخمين=كواكب يجلئ ضياها الظلاما
والله يعين المستحين الكريمين=من جيلنا الحاضر واهلنا القداما
والمسعدين اللي عن الناس مغنين=عن مدحت الطيب وذم الهلاما
قد قالها اللي في وصاياه موصين=مانحط بالصف العزيز انقساما
عزيز والعزوه تعز العزيزين=حربي ولك بالمجد ذروة سناما
وان كان قصدك تجربه لبو حدين=ابشر بمصقولٍ يقص العظاما
لعيونك الثنتين مبطي وهالحين=ودم الحميا مع نمانا يتناما
والخشم لو يلطم تبى تدمع العين=يابدر الاعضا مع بعضها تحاما
وصلو على محمد شفيع المصلين=عليه اصلي والسلام ختاما

زيد بن مبشر الحصني

صح لسان الشاعر بدر الحويفي وانتم شعار كبار مايحتاج شهاده ابدااا


عز للقبيله وفخر


الله يعافيكم

والمسعدين اللي عن الناس مغنين= عن مدحت الطيب وذمت الهلامـا
قد قالها اللي في وصاياه موصين = مانحط بالصف العزيـز انقسامـا

صح لسان الحويفي والسانك ومشكور على هذ الرد الرائع والحكيم

صح لسان الشاعر العلم بدر بن عواد الحويفي
وصح لسان الشاعر الكبير زيد بن مبشر الحصني
وانتم فخر القبيله وعزها
الله يطول اعماركم
ويعافيكم

صح لسانك يابو فهد
وصح لسان الشاعر الكبير/بدر الحويفي

عمالقة لله دركــم

صح لسانك

.. ولاهنتِ

نص راقي ..و عذب المعاني .. !

سلمتِ مشاعرك ..

دمتِ بـ إبداعك

راعي الحناكيه

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك يابوفهد

وصح لسان بدر الحويفي

قصائد جزله


من شعراء لهم مكانه كبيره بالقبيله


لله دركم

صح لسان يا ابو فهد


و صح لسان الشاعر الكبير/ بدر الحويفي

الشاعرين الاعلام


زيد الحصني

وبدر الحويفي


صح السنتكم ودمتم على هذا الابداع