يا مرسلي فوق جيب أبيض من المينـا نقينـاه

كلام لأبوحسن مبروك العصلاني أرسله على صاحبه لافي بن حضيض البلادي بمناسبة ما جاء على لافي من الظروف التي تستحق الزيارة و لكن صادفت عند ابو حسن ظروف ولم يستطع زيارته في الوقت نفسه و أرسل عليه هذا الكلام :

يا مرسلي فوق جيب أبيض من المينـا نقينـاه=يفز من نوشة البنزيـن و السايـق سعـودي
فوقه صبـيٍ يصـك النـوب لامنـه زهمنـاه=إسمه حسن و الفهد ما يظهر إلا مـن فهـودي
منصاك لافي حضيض الرزقوي و الإسم يزهاه=ما بـاس يابـو عبيـدالله لعلـك فالوجـودي
تلقى النبا و التحية فـي محلـه يـوم تنصـاه=ولاهي غريبة على لافي مذاخيـر الجـدودي
من يوم شبة شبابه بالشـرف ذكـره و مبنـاه=قاعدله آبو عطيّـة مـن مقابيـس الزنـودي
سلّم على صاحبـي تسليـم وافـي لاعدمنـاه=ثم أطلبه كان جات منّا قصـور ولا نـرودي
الواجب إنّا نجي يوم الخبـر عنهـم وجدنـاه=ونكافي الباس عنهم فالصـدور و فالـورودي
لكن جتنا ظـروف و علمنـا ثابـت و تلقـاه=ولاّ مدينـا كسبنـا الأولـى يـوم الوعـودي
وان كان سالك عن احوالي بخيـر الحمـد لله=ولاهمني غير شوفة صاحبـي ليّـا مـدودي
الصاحـب اللـي نعـزّه محـتـرم والله والله=واشهد على قولي الله ما نبي غيـره شهـودي