""" عجــــــــــــــــــــاف اربع """

إليكم مع التحية

كشفها الجحدلي واظهر خفيه في الضمير تلج = أثاره من شكى بالقلب مآسي جِِـــيد عِبريـــــه
سجينه لوعة العاشق قرار الشعر عنها افرج = وانا ما لوم شكواهم هوى عشـاق عُـذريــــه
ألا يامحمد البـــدران تـــوجد خـــافـقي واسرج = مطايا من قوافي الشعر عليــهن حـط رجليه
أبلـّحق ركبـكم واكتب عن اللي في فؤادي شج = برمحه وانتثر دمي قصــايـــــد شــعر عطريه
انا طيـــري رأيتـه يــوم ببــاب المدرســه درّج = على وقت الضحى طلّت تسوق الرجل حذريه
ثــواني وجّـه النجـلا وهــرول خـاطـره محّرج = دخل فى المدرسه ندمان على نظره رست فيه
قــدرها ساقـــها نحــوي ولا تقـصـد بها بهرج = جفــوله كنـــها الوبــري يشـم القنص والجيه
قمر في منـظـره سبــحان كريـمٍ صوره دجـــج = جيوشه بالسلاح انواع عليه ارمـاح صعـديـه
أبوها من كبار القوم إذا شاف الضيوف ابلج = ومنسب خــالـها معـــروف خصيــمٍ للعدا كيــه
طـرقت الـدار من بـابـه وجــانـي ردهم بحجج = تـركـت الأمــر للمعبــود وانـا عيـنـي رجـاويـه
بعــدهـا حلّـت الأوجاع ودمعي كالسحايب ثـج = سبــرت الوضع حصلته حصل له ماحصل ليـه
صبـرنا بالسنين اربع ولا نسمع جدال الهرج = ودقــوا بـابـهـم عشــره أبـت تقـبــل عنــوديـــه
بعــدها فــرّج الخـلاق وجـاني ردهـم وابهــج = فـؤادي واجتــمع شمــلي علـى ريــمٍ سنـافيــه
تصوّر من عجــاف اربع قصيدي للملا يحتج = أظـنـي لـو فـقـدتـه دوم دخـلـت لحــود مطــويـه

ســـــمو الشوق

سمو الشوق

لاهنت وسلم فكرك


ونتطلع للجديد

تحياتي لك..,

سمو الشوق
صح لسانك مليون

صح السانك ولاهنت

صح لسااااااااانك وعلا شانك الله يعطيك العافيه


لاهنت

السلام عليكم ورحمة الله وبركاته
سلمت ودمت أخوي الشاعر ســـمو الشوق على القصيدة جزله ورائعه وصح لسانك
أخوك ابوساره

صٍْحٍّ لسٌِِّآنْكَ وٍسٌِِّلمً بٌَِنْآنْكَ

قٌٍصٍْيَدًٍة رٌٍوٍعًٍهٍَ بٌَِرٌٍوٍعًٍة حٍّضًٍوٍرٌٍكَ

دًٍمًتُِِّْ بٌَِخٌِيَرٌٍ

	المشاركة الأصلية كتبت بواسطة أحمد بن ناحل

	سمو الشوق لاهنت وسلم فكرك ونتطلع للجديد تحياتي لك..,

حياك

أخي احمد بن ناحل

مرورك شرف

لاعدمتك

	المشاركة الأصلية كتبت بواسطة حمود الجابري

	سمو الشوق صح لسانك مليون

حياك ياولد جابر

وهذا من ذوقك يالغالي

لاعدمتك

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

راعي الحناكيه