هذا طلب من أخي سلطان الغيداني مروا عليه والسموحة من التقصير

هذا طلب من أخي سلطان الغيداني
وإن كان ماهي عند التطلعات ( لكن محاولة )
،

ياعيوني حرب طولي للسحاب=وإحملي بالخير من فوق المزون
انفتح لك - مافتحنا - كل باب=وارتكت لك في الفضاء كل المتون
لك جنود(ن) لاتصاب ولا تهاب=ولك عيون(ن) مخزية غبر العيون
ياهنوف(ن) فاتنة كل الشباب=ياشبابي في المشيب ويالفتون
أن عتبتي ما انتزاور في العتاب=وإن شكيتي ياغلا من يشتكون
وإن عطشنا ياعسل فوق الرضاب=وإن عطفتي ياغنى من يشتهون
وأن عشقتي ننطوي طي الشذاب=ونفترش لك حب .. والحربي حنون
يامحيَّا يوم شعشع في الضباب=جات حبات المطر فوق الفنون
وسال ديمه وارتوت منه الهضاب=وزاد حسنه وارتوى وأرخى الغصون
من غمزلك قيمته روس الحراب=ومن يعزك دام عزه .. مايهون
دام عزك ياعجب كل العحاب=وراف ظلك وانجلت كل الحزون
يالقبايل يا ضلوعي طاب طاب=أعذروني .. ياعرب ماتستوون
لو خطب خطاب زايد بالحساب=مانبيعك يا العفيفة يا المصون
إن بغيتي حر نكتب له كتاب=خادم البيتين للزينة زبون