الوقت هان الذيب واستذيب التيس

البارحه من كل صوب الهواجيس=غزن خفوقي وركزن به ركايز
لين أودعن جوفي خلية كوابيس=وباعلا شهادة عالم الهم حايز
وأصبحت أسير للقلم والقراطيس=أمسن بنات ومصبحات عجايز
لأهل الوفاء ماكيل من فرعة الكيس=ابحث عن الجوده ولا أقول عايز
ولكل جيل مواصفات ومقاييس=ومثل ماقيل من المتون الخرايز
وشفت البروق وحلت قبل العواسيس=وأثر المخيله فوق هيم ونحايز
ولقيت حد السيف يضربه غليس=والأرض ضايق وسعها بالجنايز
بالقاع شوف العين جدع الملابيس=وغليص رافع راية النصر فايز
الوقت هان الذيب وستذيب التيس=وتقرا السور بالعكس ويقال جايز
وجيب اللبن من ناقةٍ مالها ديس=وأردا البضايع شجعته الجوايز
وأهل المكاسب يحتذون المفاليس=ومشي القطار مع الطريق متشايز
وسطح القمر جابوا حصاه الجواسيس=والرؤس حطت للمواطي لفايز
يابو سمي ابوه وين المدابيس=أهل العزل من كل كسب الغزايز
الذيل قام ونكس الرأس تنكيس=وشد الوصل بالربط والحل بايز

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

راعي الحناكيه

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق


اخيك ابوروان

راعي الحناكية


ابو روان


تشرفت بمروركم


لاهنتوا

صح لسانك وانا اخوك على هلقصيدة الأكثر من رائعة

ابيات في غاية الروعه


وسلمت يابوروان على القصيدة الصوتيه

بيض الله وجهك

صح السانك وبيض الله وجهك
قصيده رائعه لا تمل قرائتها وسماعها

صح لسانك يابو فهد

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك



دائماً جزل يالنشمي


تقبل تحياتي

نص رائع وجزل


صح لسانك ودام ابداعك


سجل اعجابي ومتابعتي