رجالله المحمدي وصياف

هذه المحاوره جرت بين الشاعرين رجالله المحمدي وصياف عام 1412هـ
رجـا لله

ماتسير السفينه لين يركـز عمدهـا=علموّ صاحبي صياف شيخ الجماعـه
البلا الحامل الي وش نسمي ولدهـا=بعد حمله ثمان اشهر وعشرين ساعه
ترسي الأوله واترسي اللـي بعدهـا=فوق غبة بحر ماله على الارض قاعه
كان ماسمـت المولود تقعـد وحدهـا=ما لنا في حلال الناس ربع الطماعـه
خالها خلها بالدرب تنقل جهدهـا=لايضيع الوديع ولا تضيع الوداعه
لاتغرك حجور ولا يغرك وعدهـا=الحجوري لكيع ولا يكب اللكاعه
اعقلت رجلها واخطت علينـا بيدهـا=ثم قامـت تدلـع وزعلتنـا الدلاعـه
من غلط فى البيار اليا ضمي ماوردها=وانت لاتشري الا من خيار البضاعه
ما عليكم خلاف جنازتن في لحدها=مابها إلا علوم وسالفه بالاذاعـه
ابن عمك حدا القومان عنك وطردها=ذابحلك مطير وذابحلـك خزاعـه
القصور اختلط تعميرها مع هددها=ونت رجلن غناوي ماتعرف القناعه
ابن عمي لياجات السوالف جحدها=كلما قلت كيف الحال جرد ذراعـه
من يعرف العرب يعرف مداخل بلدها=حدنا الوقت يا ضلعن تعاوا سباعـه
ابن عمك عطاك فلوس واجد عددها=ليه ياراعي البابور تطـوي شراعـه
لو من يكحل عيونـه يـداوي رمدهـا=كل واحد كحـل عينـه وجبـر كراعـه
ماقدر اعطيك حاجه لين تكتب سندهـا=انت مثل الحوار اليا ارتوى من رضاعه
كل مااحل عقده طير شلـوى عقدهـا= ول ياسرع نزلـت سيفنـا وارتفاعـه
ما يقطع عـروق اقليبـك الا حسدهـا=مير النا اللي معي مفتا ح بنك الزراعه
ابتلشنا مع الاصنام واللي عبدهـا= كلما قلت له طع لي يعاف المطاعه
فوق راسك مزونٍ قام ينزل بردها=استلمها ثنيه واعطنيهـا رباعـه
انت تعرف سباع الليل واتعرف اسدها=مار عندك مرض ماطلّعتـه الاشاعـه
ارقدو ليلة الجمعه مع اللـي رقدهـا=جالكم مومنٍ يشفع نهار الشفاعـه
أترك الزمل تهدر لين يطفي زبدهـا=واحدن فيه قطعه يقطعه من قطاعه
الشفاعـه تكثـر للسعيد بسعدهـا= وانت ياطير شلع وبعد الانشلاعـه
لاتضحك عريبن سبتها مثل احدها=يا مطوع بريده ياكثير الطواعـه