((من عاش بالدنيا يشوف العجايب))

مساكم الله بالخير
بعد غيبه جيناكم بهالقصيدة المتواضعه
على امل انها تعجبكم

من عاش بالدنيا يشوف العجايب=سبحانه اللي كلنـا فـي يدينـه
دنيا بها مخلوط شـرٍ وذايـب=والاصل فيها الخير فيها السكينه
فيها الاوادم بين ورعٍ وشايـب=الكل منهم ما ضمن لـه سنينـه
يالواحد الخالق مديـر الهبايـب=تحسن خواتمنا وعبـدك تعينـه
الموت فراق الاهـل والقرايـب=كلٍ على دنيـاه يعمـل ودينـه
والرزق ما ياتي بليـا سبايـب=ياتي ليا الرجال شمـر يمينـه
والله على نيتك يالعبـد جايـب=واللي زرع غالي بيحصد ثمينه

وسلامتكم