الملعبه من عقب صياف تنعاف

السلام عليكم ورحمة الله بركاته
مهما قلنا فيه لن نوفيه حقه الله يرحمه

يالله يامنـزل تبـارك والاعــراف=منا الدعى وانتـه عليـك الاجابـه
عساه بالجنه لـه افـراش والحـاف=وعساه فـي دار النبـي والصحابـه
موته زرع فقلوبنـا هـم وارجـاف=مرحوم يالشاعـر دقيـق الاصابـه
اعـزي اعيالـه وربعـه بصيـاف=واعزي الساحـه واعـزي شبابـه
واعزي الجمهور واعـزي القـاف=واعزي الي مـوت صيـاف صابـه
الملعبه من عقـب صيـاف تنعـاف=الشاعر الـي كـل شاعـر يهابـه
يشهد له الجيل المعاصر والااسلااف=متحيلـن فالشعـر فـنـه وادابــه
شاعر وله قـدر ومعـزه وميقـاف=انشهـد انـه فالشـعـر يقتـدابـه
حرن رقى ابعزمه على راس مشراف=وبالملعبـه كلـن يــود اجتنـابـه
مرحـوم يالـي بالمياديـن هـداف=ياشاعـر المعنـى دقيـق الاصابـه