ريح الخزامى والنفل

بسم الله الرحمن الرحيم
بعد إنقطاع طويل أعود لكم بقصيده جديده وأتمنى أن
تنال على رضاكم

ريح الخزامى والنفل وجود الأطياب=يذكرني بصاحب صرت أجهل علومه
عسى ماشر قلي وش طول الغياب=يالي بالقلب لك وحشة مكتومه
معاد أكل معاد أشرب مالذ وطاب=النفس عافت كل شي بعدك محرومه
ترى السهر بعدك أنا وياه أصحاب =قلبي على بعدك مهتنا في نومه
صرت أشوفك بعيني مثل السراب=وألمح زولك وأفرح بقدومه
من كثر ما أهوجس بك الشعر شاب=توني صغير وقلبي زادت همومه
لأجلك كم تحديت أنواع العذاب=مدري على غيابه أعاتبه وإلا ألومه
أنت ربيع الدنيا وأنت السحاب=وأنت رذاذ المطر وأنت غيومه
دنيتي بدونك أشبه بالضباب=تنعدم الرؤيا وتصبح معدومه
لا والذي سواك من التراب=قدرك عندي محد(ن)يسومه
رسمتك في خيالي سحر خلاب=والروح تولعت بك وبك مغرومه
ما أقوى على بعدك يا اعز الأحباب=النفس على شوفتك يازين ملزومه
ياحلم عمري يازهرة الشباب=ياليل حبي وسماه ونجومه