>> ابيات لم يكتب لها ان تكتمل

12-07-07, 04:08 AM

السلام عليكم
في سباق المليون اثبت الشعر التقليدي انه الافضل والاجدر بالمتابعه من الشعر الحداثي على الرغم من وجود شعراء يكتبون الشعر الحداثي بطريقه رائعه
والشعر التقليدي يستهوني اكثر من غيره دايما واكتبه وانا وبكل صراحه لست من المبدعين فيه .
اضع بين ايديكم بعض الابيات القصيره وبعضها ايضا ما يسمى بالكيبورديات كما يحلو للقراء الانترنت تسميتها

يا بحر جده دخيلك يـا بحـر جـده =لا تنكر الي حصل يالساحل الغربي
يوم التقينا على شاطيـك مـن مـده=وابحر بي ساحل عيونه قبل تبحربي
الغالي الي نـودك مـوت مـن وده=ليته يداوي جروحي و يتوجـر بـي
من ضحكته تقفي همومي بـلا رده=واذا حزن عادت همومي على دربي
خدوده مـورده ورمـوش مسـوده=والرمش حين اتأمل جاير وصربـي
لا صد عني سألته ليـش هالصـده=ولا لد فيني طلبتـه لا يناظـر بـي
مقدر على عينـه وسلهامـه وخـده=كل المفاتن على وجهه تغـرر بـي
جيت اعترف يا بحر من كثر مـاوده=حربي وفاضت عيونه من غلا حربي

اهمست بذني دموعك عن غرامك=
لو بخلتي يا حياتي فـي كلامـك=
ادري اني صرت اول اهتمامـك=

البارحـه كانـت عليـه صعيـبـه=اصعب على السنه من اسقوط بغداد
كانـت كئيبـه و الخواطـر كئيبـه=وكن المجره صارت قبور واللحـاد
قلبـي بجـده لـو كيانـي بشيبـه=كثر التعزي والصبر عنك مـا فـاد
الله يسمـح خطـوتـك يالحبيـبـه=ياأكثر حضور من التصافح بالاعياد
لك في فوادي حب 00 محدن دريبه=و بأقصى خفوقي صار للجرح ميلاد
والوحشـه الـي بالحنايـا رهيبـه=قامت تحاصرني جماعـات وافـراد

في غيبتك عني تيقنـت فـي شـي=
وعرفت اني 00 والحقيقه حقيقـه=
وان الشموخ الي بروس الاعـزاء=
ساعة غيابك ينكسـر مـن علـوه=
وعرفت اني عندك انسـان عابـر=
والا انـا والـي خلقـك وخلقنـي=

اقـلـب كيـانـي بـالـدلـع والتـغـلـي=عيشني احلى مرحله من مراحلك
اجيـك كلـي وانتـهـي فـيـك كـلـي=من غرتك هذي الـى حـد كاحلـك
ياليـت بعـدي عنـك عشريـن ملـي=بيدينـي ارسـم شفتيـنـك واكحـلـك
يـالـي معـذبـنـي تجـافـيـك يـالــي=متـى تذوقنـي عسـل مـن مناحلـك

* يتوجربي = يكسب الاجر بي
* شيبه = حقل شيبه النفطي بالربع الخالي
وسلامتكم