انا اليامني كتبت الشعر حسب الأعتقاد

06-07-07, 09:19 PM

انا اليامني كتبت الشعر حسب الأعتقاد=يجي كذا صبه.. لأن الفكرعندي ضابطه
ماعندنا بيتً يجي ناقص وبيت انقول زاد=يعني بيوت الشعر لاجتنا تجي مترابطه
البيت لاسقته خبر، اجيب به علمً وكاد=وحيان اجيب البيت ورجع له لأني غابطه
والذائقه بالشعر تفرق والقصايد بأزدياد=وانا قصيدي مايخون ولافقد ترابطه
حرام شعري مايباع ولادخل سوق المزاد=ولايسوم الشعر الا شخص نفسه ساقطه
الشعر احساس ومشاعر عاطفة وايضااجتهاد=والناس تفرق بالمشاعر فوق ولا هابطه
ياصاحبي بالله سقها قبل ما تهجد هجاد=سقها تراى شيطان فكري لي نهار اشابطه
ماودي اعلنها صريحه كان غيري استفاد=من بيع شعره والبيوت اللي تجي متخابطه
الله يرزقنا القناعه، وانت حسن الأبتعاد=وياليت للشعار يوجد باي دوله رابطه
حتى تُطالب بالحقوق وتلتزم نهج الحياد=ولا يُباع الشعر ابداً للنفوس الساقطه