مرحبـا بضيوفنـا والليلـه الحفلـه جميلـه

راشـــــــد الـسـحــيــمــي =
مرحبـا بضيوفنـا والليلـه الحفلـه جميلـه=كلكم واحد ورى الثانـي هـلا مليـون مـره
ياولد عتقان قوم أبغاك فـي رحلـة طويلـة=رحلـةٍ مـدري تمـر قديـد وإلا ماتـمـره
عــــبــــدالله عــتـــقـــان=
البقـا ياصحابنـا قـوم المواقيـف الجزيلـه=والسحيمي يوم رحب عند حرب وفـي مقـره
أبشر أني لشعل النيـران فـي راس الفتيلـه=كل صاحب خابره وأحتاط من خيـره وشـره
راشـــــــد الـسـحــيــمــي =
ياسليم انتـم عيـال ادم وكـلٍ لـه فصيلـه=كان مانشره على الطيب على ميـن أنتشـره
الولد هـذا مـورط لـه قبيلـه مـع قبيلـه=كلها من صاحبـي لا ذاقـوا السلمـان حـره
عــــبــــدالله عــتـــقـــان =
يالحروب أصحابنا يأهل البيوت اللـي ظليلـه=العدد مليون وأنتـم مايجـي منكـم مضـره
يدعي راشد ولا أدري صاحبي وش يدعيلـه=الله أكبر بعد سـن الأربعيـن الوقـت غـره
راشـــــــد الـسـحــيــمــي =
ياسليم أصحابنـا يأهـل العلـوم المستحيلـه=حول عشرة الأف شخص ولالكم بالأرض جره
سامع الي فالديار بـروق ورعـود ومخيلـه=لــو عـبـدالله يعلمـنـي بـهــا لله دره
عــــبــــدالله عــتـــقـــان =
كيف تنسانا وحنا أهل السيوف اللـي صقيلـه=مجدنـا مالـه شبيـه وفعلنـا كـلٍ يـسـره
بـارك الله فالفريـق اللـي ياراشـد تنتميلـه=وأنت ضليت أبدوي والثوب ماتعـرف تـزره
راشـــــــد الـسـحــيــمــي =
أدري إنك مأنت هيـن وطيتـك دايـم ثقيلـه=مايضر أسليـم شـي ولا نقـص فالـذر ذره
ياولد عتقان لا ضاق الشجيع أطلـع حصيلـه=وأنته أغلى من ذهبنا اللـي لحاجتنـا نصـره
عــــبــــدالله عــتـــقـــان =
فيـه دلـة زعفـران ودلــةٍ بالجنزبيـلـه=لا تكررهـا علينـا غلطتـك عشريـن كـره
أنت غالي في عيون أسليم لو مافيـك حيلـه=يوم في قصر السحاب ويوم في قصر المسره
راشـــــــد الـسـحــيــمــي =
كلها ماهي بعيـد ومـن طلـب دلـة تجيلـه=طعمها تعلم به انتـه وأسمهـا فنجـال مـره
لا تنافسنا تـرى مالـك علـى الأيـام حيلـه=الصحيح تصير حر إن كان شفت القدس حره
عــــبــــدالله عــتـــقـــان =
يالله أطلبـك السـلام ويالله أطلبـك العقيلـه=بعد دولاب الفلك سيطر على الحربـي وفـره
قول لي يالشيخ راشد وين ضيعت الأصيلـه؟؟=كيف ضيعت الفرس يامتابع أنجـوم المجـره