راشد السحيمي ...و... غازي الزغيبي

هذا ملخص للمحاورة الرائعة والمتميزة بين شاعر حرب راشد السحيمي والشاعر الرائع غازي الزغيبي( العملاق )

راشد =
سلامي لحرب أعضاء وكتاب=وبعد السلام أخـص غـازي
ياغازي لا تقفل عني البـاب=تراني على خبرك حجـازي
غازي =
هلا مرحبا مـن دافـع اعجـاب=وبالله وبـالـكـل اعـتــزازي
ضيوف الشرف يحسب لها حساب=لو أنـه علـى شاشـة جهـازي
راشد =
ترى الوقت هذا لعبة أعصاب=ما بين التهانـي والتعـازي
بنص الحدود انعاجت أرقاب=وأحد قال أنا ناسي جـوازي
غازي =
تعد أربعة والخامس الهاب=كمنك ترى منت انحيازي
معاديلنا وأرضى بأبو ناب=لقيت بها أهداف ومغازي
راشد =
لو الله بلا شايبك يـا عقـاب=وصلنـا عمـود الارتكـازي
ترى الانشقاق أوخي الارهاب=وبعض الفرص تبغى الانتهازي
غازي =
يجي للعرب حاسد ومغتاب=ولا هو مع الصف الموازي
وحنا لقينا مقابـل أتعـاب=وليت الطمع نقد وبيـازي
راشد =
أثر ما لها محرف ومجنـاب=برأس النشيط اللـي ينـازي
لا تحذف حجر وتجر الأسباب=ليا صار بيتك مـن قـزازي
غازي =
وصلنا للمفارق خلنا احباب=ترايه عن الماضوع عازي
أقول أفهموها ياأولي الالباب=لقيتـه حصـاةٍ ماتـرازي
راشد =
عجب وين موقعك من الاعراب=يـادارس ياناجـح بامتيـازي
ياغازي ياكثر عيون الأجنـاب=تراقـب حديثـات الطـرازي
غازي =
ليا قلت عانه واذبح الـداب=وش آخر صلاحات المجازي
وش اللي تقوله منت كـذاب=نعدي بهـا روس النـوازي