مصافحة أولى .....

اسعد الله جميع اارقاتكم بالخير والمسرات
أضع بين أيديكم هذة القصيدة وأرجوا انا تنال أستحسانكم

خلاص ببعد عنـك اليـوم وأروح = وأترك لك الراحه ولملم جروحـي
يكفي علي الهم والقلب مجـروح = بروح قبل اليوم لا تروح روحـي
مالي وراك ولا وراي إلك مصلوح = كلً بدربه قلتهـا وانـت توحـي
درب المحبه عسر وجبال وسفوح = ماتصلينـه كـود قلبـك ينوحـي
وانا رقيته يوم كلـن بـه ينـوح = وصدري بمكنون القصايد يفوحي
وجاوب الورقى على قمة الـدوح = وهموم قلبي لن لفـت ماتروحـي
وليا تبين علـم ماهـو بمسمـوح = أقول ما هـذي نهايـة طموحـي
واسكت ولو نيران قلبي لها ضوح = الصمت أخير من الكلام الفضوحي
حتى ليا هبـت سمـومً ولافـوح = خليتها تركـب حصـانً جموحـي
لين أنها تبعد عن القلب وتـروح = تبعد مداها عن مناضـر شبوحـي
واقول كلمه حق ماني بمفضـوح = من شان همن بالضماير يزوحـي
لا تحسبين الهرج ضحكات ومزوح = ماني مع الغـدار دايـم مزوحـي
من حبنا نرخص له القلب والروح = واللي غدرنا جعل دربه سموحـي

ولكم خالص تحياااتي