مستور العصيمي ومعيض العجي الحربي رحمه الله في محاوره

في محل اهل الوفى والطيب ورجال الكرامه = مرحبا باللي حضر في حفلهم من كل ديره
ثم اهني من حضر عقب المغيبه بالسلامه = والعلوم مفسره يالله عسى بالأمر خيره
البقا ياشاعر يفرض على الناس احترامه = العميل اللي يخلص فالكبيره والصغيره
احسب ان شعيل الأشقر ماع شحمه عن سنامه = له سنين طوال ما اسمع لا رغاه ولا هديره
صاحبك يعطي حقوق الناس ومكمل نظامه = يشتري ويبيع ومجود مضامين البريرة
وانت ماتجهل شعيل يشيل مخه في عظامه = محتسي ممشى المشاه ومحتسي ممشا المغيره
يامعيض الوقت فيه مغالطه مدري علامه = حد سكينه على الناس الغنيه والفقيره
نعرف الرجال من فعله ومن منطق كلامه = لا تحط الاوله ياصاحبي جنب الأخيره
لا تلوم اللي يحط القفش الأحمر في حزامه = وانت لك شي ظهر مانته بداري بالسريرة
بعض خلق الله تضيع ابه الروابع في منامه = وان صحى بلشان بين الوارده واللي صديره
البنادم مايحاسب غير في يوم القيامه = يالله انك لاتورينا بعميان البصيره
بعض الدعاوي لا تلحقنا ملامه = لا توقفنا على حيد الرحاه المستديره
البنادم مقتفيه حساب وحسابٍ يمامه = وانت برق ويش لون النار في جنب الذخيره
مايجيك اللوم وانته مادحمت أهل الرغامه = مير دنيانا تدور وصار للجرة جريرة
لو لزمنا الموس يمدينا تعلمنا الحجامه = ان لزمناها خطيرة وان تركناها خطيرة