ارسلت فيها من هل الطيب مندوب

غنيت من جزل التماثيل مسحوب
نوادر ٍحاسوب راسي رصدها

نقحتها عن كل هفوه وعذروب
ماتموت لاغنيتها في مهدها

وارسلت فيها من هل الطيب مندوب
غالب عسى دنياه يقبل سعدها

جار وخوي من خيرت الناس محسوب
ماعمر جيرانه بهرجه لهدها

يابو وليد من العسل صافي الذوب
غلفتها يالوايلي وعتمدها

الطيب الوافي عن الطيب ينوب
قالوه قبلي ناس داخل لحدها

لسمي من وحد دويلات وشعوب
بعد الفقر والخوف عشنا رغدها

حفيد ابن داله ذرى كل مرعوب
عقيد يوم الخيل تركض جهدها

اسمٍ لمع قدام يبنا بها طوب
والارض جردا ماتعمر بلدها

ابن فلاح اللي من الناس محبوب
مفراص ماص يحل كايد عقدها

كريم ساس اكرام ماضي ومن دوب
ابيوت بعد ابيوت عالي عمدها

ربعه بني وايل ستر كل رعبوب
لاسيقت العطفه وهلت جعدها

وصاحت لمن يثني ورى كل جندوب
من السطر للقوم تشر بيدها

ولحقو على ضمرتجوب الوطا جوب
وخيلٍ يعيف اطرادها من طردها

وردو جميع اللي من المال منهوب
في يوم يعرف شيبها من فهدها

جنابهم دايم من الخصم مهيوب
شهادةٍ عندي محضر سندها

غير السلام اللي مع الطيب مصحوب
ماله هدف راعي قصيده قصدها