لاجاك / بقلم نجم حرب

الى الشيخ / حمدان الدويرج

اسمك حمدان والسجايا حميده
ياقل من يمشي على الطيب ممشاك

الشعر يطرب والمعاني جديده
انت الشعر والقاف بالحيل يزهاك

انت النخاوي والهقاوي بعيده
لاجاك راع اللازمه ماتعداك

وقفتك بالمعروف تبقى اكيده
ياعزوة اللي من عناء الوقت ينخاك

الطيب ساسك والفعايل شهيده
الدين بقلبك والمراجل بيمناك

جيتك وانا كلي ظروفٍ عنيده
بعد الولي مايحلها غير شرواك

والرازق اللي كلنا من عبيده
هو الذي بالخير منحك واعطاك

على النقى تبقى المواقف فربده
ياعزوتي ياعل تبطي مناياك

اسمح لنا نقول كلمه وحيده
انت الامل والحال ماظن يخفاك

وسلام ياراع الفعول المجيده
ماعاش يابو ساجر منهو تناساك

اكتب ياقلم واعلني ياجريده
غزاي اللي من حده الضيق ينصاك

تشرفي يامذهلات القصيدة
ذكر النشامى من دواعي مزاياك

وهذي علومي ياسليم العقيده
اوجزتها من خاطري لاعدمناك

نجم حرب /
نايف بن عبدالله السليمي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك مليون على القصيده
والله يعطيك العافيه
بيض الله وجهك

صح لسانك الله يعطيك العافيه

صحت ابدانكم زملائي الكرام لاهنتم /

تحياتي لكم جميعاً :

صح لسانك على الكلام الجميل

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الآسيــــــر

	صح لسانك على الكلام الجميل

صح بدنك /

تحياتي لمقام سموكم الكريم :

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك /

تحياتي لمقام سموكم الكريم :

السلام عليكم ورحمة الله وبركاته
سلمت ودمت أخوي الشاعر نايف بن عبدالله السليمي على القصيدة .
.
.
جزله ورائعه وصح لسانك
أخوك ابوساره