زومالة ذوي حمود من ذوي محسن من المجانين من حرب

زومالة ذوي حمود من ذوي محسن من المجانين من حرب عند ذوي مليح من ذوي محسن من المجانين من حرب في عيد الفطر المبارك
الشاعر : أحمد بن علي بن ناقي المجنوني الحربي

سلام لاهل الحفل واللي حاضرة ويعمها
للي عزم كل القبيلة للفرح ويلمها
ياعيال عودٍ لابدى في احدى المكارم تمها
مامات من خلف عيالٍ تلزم شداده وراه

والثانية كل التهاني والورود نزمها
مثل العطور الغاليات اللي يشوق شمها
بمناسبة عيد الفطر والعيد يزحف يمها
عسى عايد بالفرح والجمع مع طول الحياه

والثالثة تنصى زعيم القوم وهو عمها
انظر لموضوع القبيلة قبل يكبر همها
نبغى عدد نبغى عهد وشروط عندك سمها
من يفعل المعروف مايندم وخلاقة وراه

الرد من ذوي مليح

يامرحبا ترحيبةً بالطيب ينضح جمها
من هاجساً لا شافله جزله نزل واختمها
ياربعنا الي تحرق كبود العدى وتسمها
القصر ثابت في محله ما اختلف منهج بناه

والثانية زاد الفرح وسط العروق ودمها
نفرح بشوفتكم وبقعى الله يكافي فمها
ومناسبة عيد الفرح فرحة ولاحداً ذمها
والطيب اللي في وجوب الخير ماشياً حداه

والثالثة شيخ القبيلة في اللزوم يأمها
وان جات حزات الشدايد له عزوم تطمها
مافية خله بيننا بعض العلوم ندمها
حنا فعلنا الطيبة والطيب مايذهب جزاه

صح الله اللسنت الشعراء

وبيض الله وجهك

جزلات من كف اهاليها

وبانتظار المزيد

بيض الله وجهك على النقل يابوسلطان

وجهك ابيض و انا اخوك

صح بدنك ي طلق

الله يـعـطـيـك الـعـافيـــــــــــة على الاخـــتيار المــوفــق
وصحت السنتهم
بيض الله وجهك