•• مشاركتي بحفل معايدة أهالي قرية دوقة بوادي قديد ••

مشاركتي في حفل معايدة أهالي قرية دوقة بوادي قديد

‏عن داعي الواجب لا منّه دعاني = ما غبت لو إنّ الظروف تْحداني
والله وأنا حفيد شيخ المواجيب = ما أقصر عن اللي في وجوبه دعاني
‏وشلون والداعيني عيال عمي = زبيد حرب معربّين المجاني
زبيد‏ منشأ الطيّبة والأصيلة = قوماً لها التاريخ شاهد عياني
زبيد سيرة جامعة كل سيرة = للفعل الابيض والنقى والبياني
زبيد يوم القوم منّا ومنّا = يلقى بها الهيّاب بطن الاماني
صغيرها مفطوم وقت الرضاعة = على القنا والرمح والجنبخاني
زبيد والامجاد صنوان واحد = حازت سنام المجد قاصي و داني
قبيلةٍ بين القبايل قبيلة = لكنّ منزلها سهيل اليماني
سلام يا عزوة زبيد العريقة = يا عظم حرب اللي ما صابه لياني
سلام ريحه مثل ريح السفرجل = و ريح النفل والشيح والزعفراني
مثل الزلال السلسبيل القراحي = وألذّ من شهد النحل فالمجاني
سلام يا محفل هٓـلَ الطيب دوقة = ديرة طليقين اللحى واليماني
‏اللي ليا عدّو هَـلَ الفعل عـدّو = دوقة وأهل دوقة عِـزاز المباني
‏متصدرّين الطيب في كل محفل = ما فيهم اللي عن هٓلٓ الطيب واني
‏الله لعلّ العيد عايد عليهم‏ = باليمن والخيرات طول الزماني
‏وسلام عام لكل موحي كلامي = في حفل قوم مرجحّين الوزاني
‏من شاعرٍ حرفه فالأحرف زمردّ = ما صاغه إلاّ صوغ لولو و داني
‏سلام شاعر يوم هيض القريحة = ما هاض باله غير زين المعاني
‏من خلقته ما يمدح إلاّ كفو ذرب = بالفعل له بالفعل قدر و مكاني
‏شرواكم اللي فيهم المدح واجب = تنصاكم الأمداح من غير عاني
‏يقولها اللي ما يغطّ الحقيقة = يصدح بها منطق فصيح اللساني
‏وريث قوم الأولة أبّ عن جدّ = كسّابة الطالات في كلّ شاني
والختم عاد العيد يا دوقة قديد = وإلى اللقاء في ملتقى عيد ثاني

•
•
وســلامـتـكـــم
2 شـــوال 1437هـ
•
•
•
#حفيد_الحجيري

صح الله السانك
لاهنت
ولاهان
منطوقك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك

الله يعطيك العافيه