ليت القبور اترجع النا الطيبين وتاخذ رديين الفعول محلها أحمد الخواري

حفنة اماني يا جموع الحاضرين
عل اتحقق.. في حياتي علها
ليت القبور ترجع النا الطيبين
وتاخذ رديين الفعول محلها
لانه حرام اسرافها فالاكسجين
ومساحتن فوق الثرى تحتلها
وليت السما تمطر بفل وياسمين
على ديار اهل المراجل كلها
وليت السيول اللي لها صوت ودنين
تغرق ديار اهل الردى وتشلها
و ليت السعد يقلط وسط قلب الحزين
ويحلل اسباب الشقا ويحلها
وليت البنوك تسامح اللي معسرين
وتملا حسابات الفقارى جلها
وليت العرب ترجع مثل ماض السنين
يوم الخلايق والامم تذعن لها
يوم الخيول المسرجه والمؤمنين
تضرب طواغيت الكفر وتذلها
يوم الفخر يملا ديار المسلمين
ماحصلت بين الدير ندن لها
ما هم على عظمى الدول متقسمين
كلن من الكعكه خذت قسمن لها
من ريسوا فوق الشعوب الخاينين
اللي مع الحصني تشابه دلها!!
وقلوبهم شتى ودايم خايفين..
وعقولهم سم الخنوع يسلها
من خالفوا السنه مع الحق المبين!!
فرحت حثالات الامم في ذلها
ليت القبور ترجع النا الراشدين
وتاخذ اراجيز الحكم في محلها
هذي الاماني يا جموع الحاضرين
عل اتحقق.. في حياتي علها
أحمد الخواري