بعض المجالس ما لها وجه و عيون .. و اَكرمكم الله موخرن فيه ريحه ..

يَ معزّب الخطّار يـا عل مَ تهون
جرّت يدينكك مـن شبـوكـك ذبيحه
خـزّيتها جزله وجت بـاربع صحون
مـا هي مـن المترديه و النطيحه
ثم سقت فنجالن مثل ما يسوقون
على النقا هأااك الوجيه الفليحه
لاشك مآ اشوفك على ما يقولون
تدري طروقي كل ابوها صريحه
و انا تراي آمون و لساني يمون
وابآ تمشى اليوم وسط القريحه
ولا بـاعتذرلك ودها وين متكون
عندك فضا وسهال ربي فسيحه
بعض المجالس مالها وجه وعيون
واَكرمكم الله مـوخـرن فيه ريحه
به ينقطع حتى النفَس قطع بلون
غير انقطاع ارسال برج الشريحه
وغلب مساييرك سلاتيح و عفون
روسن سترها الله بـ ليا فضيحه
قدّمتهم و انا مقدم و دندون
وحروف قافي بالمنابر فصيحه
ماني بحاجة مجلسن يجلب الهون
و امقابل وجيه الختوش الكليحه
لاسالفه تِطرب ولا هرج موزون
و مبرطمين تقول فيكم سليحه
أطيبكم أطيب منه شاشة تلفزون
و اكثر هناديبه يـدور منيحه
واليا بغاله شاة ماعندها قرون
كلن عطاه امن المخازن نصيحه
رعيان والرعيان مجلاسها دون
شرهة كريمن ما يمينه شحيحه
إن طعت شوري هد روحك وبلهون
خلك مثل يوم السوالف مليحه
قم صلح البراد و اسجعلك لحون
قبل الشداد و رايتك مستريحه

بدرالهبيري