اصحابك اللي فالشدايد ماتعصاك=ماحدٍ على ممشاك معهم يلومك

لا ضاقبك صدرك وحارت بك خطاك=الجاء لرب الكون وانسى همومك
الواحد اللي مايخيب لك رجاك=عارف علومك قبل تحكي علومك
ماينفعك هذا ولا ينفعك ذااك=ساعة يجيك الموت ويحين يومك
ماينفعك ياكود فعلك في دنياك=يستقبلك فالقبر ساعة قدومك
اليا فعلت الطيبة طاب ملفاك=وانت على ماقيل تعرف سلومك
حاول تخلد سمعتك بين خوياك=اللي ليا جات الشدايد تسومك
اصحابك اللي فالشدايد ماتعصاك=ماحدٍ على ممشاك معهم يلومك
واليا فعلت الشين ياشين مطراك=والعيب مايسترة طيب هدومك
تبقا ردي ماحدٍ يدور على رضاك=والناس تتحاشا تقرب سمومك
هذا كلام الصدق والصدق لا جاك=يرفع ليا منك خذيته سهومك