الطيب عملة: ؛:؛:؛:؛:؛:؛:؛:؛:؛

قصيدة بعنوان:

(( الطيب عملة ))

🍃🍃🍃🍃


الشعر ويش هو ويش تسمَّى لحونه
لاكان ماله نهج يمشي بمعناه

ماغير صف حروف سقما شجونه
مبنى بلا معنى سحابٍ عزا ماه

الطيب عملة.. والبشر يصرفونه
وكل يجي صرفه على قد يمناه

أحدٍ بخيل ورفقته يبغضونه
ثوبه قصير وزاده بضيق مخباه

واحدٍ كما هداج تيما يجونه
الغُرب وعند القُرب ياحلو ذكراه

والرجل.. ربعه لا قصر يفقدونه
ويجمله عذره ليا عاد وابداه

وأما الدبش.. لاغاب ما يذكرونه
لاهو بمفقودٍ ولا تشكر اخطاه

عشنا وشفنا كل حيٍ بلونه
والطبع ما يُشرا ولا ينكوي داه

وبيت الردا لو بالذهب يسقفونه
يبقى ردي لو كثروا له حلاياه

والعز لو بيته شعر يركزونه
يبقى على العزه رحيبٍ لمن جاه

🍃🍁🍃🍁🍃🍁🍃🍁

صح لسانك وأعتلى شأنك عزيزي فواز
تحيااااتي وتقديري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك