( نسأل الله ان يشفي ابن العم الغالي/ سمير بن عبدالله ألأحمدي )

/
/
/
/
/
/
/
/
/
/


هذه القصيده
كتبتها قبل وداع
ابن عمّي الغالي / سمير عبدالله ألأحمدي.
لدولة ( تشيك ). لغرض العلاج
ونسأل الله ان يردّه سليماً معافا.

عندي امل بالله تشفى ياسمير=واكرّر الدّعوه بنيّه صافيه
وانودّعك لتشيك وفراقك مرير=وترجع لنا تزهى بثوب العافيه
وانا اعرفك ملّيت من هذا السّرير=تمسي تونّ ادّور وصفه شافيه
وضعك بهذا الحال لحزاني يثير=وان طبت صارت نار حزني طافيه
واضب على الدّعوات فالثّلث الاخير=وماهي على ربّك بتخفى خافيه
والمتّكل بالله عسره له يسير=عليه من مولاه رحمه ضافيه
واحنا عصابة راسك وقدرك كبير= مانسمعك لا النّاهيه والنّافيه
وطبع الوفا منهجك يالوجه السفير=واللي وفا يلقى رجالٍ وافيه
وبوعكتك يظهر لنا سرٍ فبير=يامكثر الزّوار لجلك لافيه
من قدّم الطّيبه يجازا بالوفير=وبانت علامتها وهذي كافيه
وانا ولدّ عمّك من همومك مجير=تمشيبي الرّجلين لجلك حافيه
اوفيك لين ارضيك وآنا لك نصير=وما صدّ يوم النّاس عنّك جافيه
واللي جرا دمعه على شانك غزير=له منّي ابشاره بنظم القافيه
عندي امل بالله يشفي لك سمير=ويرجع لكم يزهى بثوب العافيه

الشّاعر/ خالد بن عبيد بن معتوق ألأحمدي