قصيده شكر

هذه القصيده بمناسبه قيام بعض الاصدقاء بتصميم وطبع ديواني الشعري وهي بمثابه شكر لهم جزاهم الله خير.

انا من عادتي دايم ليامني بديت السير= اقول الله يديم اللي مشينا تحت راياته
ابن عبد العزيز الحاكم اللي حطم التكفير= عزيزوعزنا من عز اخو نورة وهقواته
احيي بالربوع ومرحبا من غالي التسعير= هلا حياكم الله مثلكم نسعد بجياته
وليلتنا بجيتكم تراها منورة تنوير=ترى ليل السعد بوجودكم زادت مسراته
هلا حياكم الله يارجال الطيب والتقدير = تكرمتم وجيتم والشرف جتنا علاماته
تحية صافية من قلب صافي مايبا التزوير= من العلم الصحيح يمد ترحيبه وفرحاته
تحيات تشوف انوارها في داخل التسطير= تلالا مثل ضيان القمر لاتم دوراته
تحيات منقيها قبل تنزل على التحرير=وناويكم بها من قبل تكتب في سجلاته
عصارة مخ صافي يوم جات مقطرة تقطير=تشادي عيسلِ من طيب الازهار جنياته
تحيات نقدمها لكم مضمونها التوقير=وتشملكم جميع ومن حضر يلقى تحياته
ترى جيتكم الليلة تباشرنا بها تبشير= مواصلكم لنا دايم مراد القلب ومناته
دلال الكيف مجذية لكم ومبهرة تبهير = ومن جانا بصحبتكم تشرفنا زياراته
وبااقدم ثلاثِ بيض واعطيكم لها تفسير= وكل لاسمعها يعرف ان الطيبة جاته
بياض الوجه لمحمد سعود مركزالتفكير= بدا الرسمة يالين ان الهدف بانت رسوماته
من البيضان والبيضان مايبغالهم تشهير = ترى من قال بيضاني دروب الطيب غاياته
هلابك مرحباوانت الحكيم وصاحب التقرير= لكالله صاحب المعروف ماننسى مجازاته
جهودك واضحة يالذيب مايبغالها تبرير =ومن يعرف محمد قال في المشروع لمساته
هلابك ياولد جدي يابن عمي ياوجه الخير= ومن جانا معك شرف ورحبنا بجياته
بياض الوجه لمحمد بنيه مشرف التعمير= محمد في مجال الطيب يامصعب مجاراته
بذل جهده على المشروع في الاشراف والتطوير= وظهر بني المعلم واضح في كل صفحاته
ونعم ونعم يامحمد على التطوير والتصوير= علومك غانمة والضفر ذا طبعه وعاداته
وكل البيض لربوع لهم في ذاالعمل تأثير=هلا واهلين باللي لاوقف تعجبك وقفاته
الا يازين جمعتكم وحضرتم لها تحضير= لعل الله يجمعكم على حبه ومرضاته
وذا ديدن جهم ماعندهم فا الموجبة تاخير= ومن قال اجهمي تعجبك صولاته وجولاته
الياقيل الله اكبر كثر التهليل والتكبير= ولاباع وشرى كاسب ولااحدِ مس هيباته
مجالسهم على علم الرجال مسخرة تسخير=لهم نجرِينادي مرحبا في كل دقاته
تحياتي لهم دايم واكثرها لهم تكثير= تعم اللي حضر منهم وللغايب في غيباته
عن اللي في ضميري من معزة يعجز التعبير= مابان اللا اليسير وعزكم في القلب خزناته
ورجلِ ماذكرت اسمه ترى ماقصدي التحقير = كبير وقدره العالي مع الطيب مساواته
ولوجا نقص مني سامحوا واغضوا عن التقصير = ترا ماكامل اللا الله في عالي سماواته
وانا قدام ربعي في لوازمهم امام الغير= ولاشيخِ يعد ان مابدت للربع فزعاته
وعز الشيخ ربعه هم حزامه هم جناح الطير= ولاطيريطيران كان ماتنهض جناحاته
وختم القول ذكرالله ولي الامر والتدبير=ونطلب منه غفرانه ورحماته وخيراته
سلام الله وصلى الله وانا كررتها تكرير = على محمدعسى ربي يبلغنا شفاعاته

من لايشكر الناس لايشكر الله ماقصرت يعطيك العافيه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشيخ والشاعر الجزل ابوماجد

مليون صح لساااااانك وقصايدك تستحق الحفظ لجزالتها وقوة معانيها

كلام جميل
يسلم ذوقك.

	المشاركة الأصلية كتبت بواسطة خضرالحربي

	من لايشكر الناس لايشكر الله ماقصرت يعطيك العافيه

حياك الله
اشكرك على المرور ولك تحياتي

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

حياك الله
صح بدنك وطال عمرك
شكرا على مرورك ولك تحياتي

	المشاركة الأصلية كتبت بواسطة ابوهليل

	الشيخ والشاعر الجزل ابوماجد مليون صح لساااااانك وقصايدك تستحق الحفظ لجزالتها وقوة معانيها

حياك الله
صح بدنك وطال عمرك
تقبل تحياتي

	المشاركة الأصلية كتبت بواسطة تكفيني الذكرى

	كلام جميل يسلم ذوقك.

حياك الله
صح بدنك وطال عمرك
ولك تحياتي

لاهنت وصح السانك

تقبل التقدير والاحترام

وفقك الله