استغفر الله من مجادل بلا فود // وعوذبه من كل خبث ولكاعه

استغفر الله من مجادل بلا فود = واعوذبه من كل خبث ولكاعه
على الدروب الوضح مغزا ومقصود = ويامقتنع يقنعك قولك قناعه
بالمرجله مايلحق الرجل منقود = ولاتاتي الا بجود ولا شجاعه
وعيب الرجل لاقال عن قوله يعود = من يخلف اقواله ماتمدح طباعه
ومن يدعي من دون برهان وشهود = ياكل قراطيس الحبر بالطباعه
والعيب يامن تعرف النقص والزود = باللي مايعرف هامته من كراعه
والدار دار العز وحدودها حدود= لقيت شلو بوادي (ن) سال قاعه
حما النماره ماهو بساحة قرود = ماينطح سباع الوغا الا سباعه
خلفك رماح وقدمك السيف مجرود = صبحك مسا وقافيك بالليل ساعه
ما يكحل عيون العدو غير بارود = اطيب تجي بالنحر ولا خداعه
دجال ماتندى يدينه من الجود= لا عودت للفعل ابقصر ذراعه

وعيب الرجل لاقال عن قوله يعود = من يخلف اقواله ماتمدح طباعه

قاعدة تعارف عليها من يعرفون معنى
الرجولة

صح السانك لاهنت

صح السانك وبيض الله وجهك

الله الله
صح لسانك وبيض الله وجهك

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الكحيلة

	وعيب الرجل لاقال عن قوله يعود = من يخلف اقواله ماتمدح طباعه قاعدة تعارف عليها من يعرفون معنى الرجولة صح السانك لاهنت

صح بدنك ولاتهونين
شكرا على مرورك

	المشاركة الأصلية كتبت بواسطة نديم المجرة

	صح السانك وبيض الله وجهك

صح بدنك ووجهك ابيض
شكرا على مرورك

	المشاركة الأصلية كتبت بواسطة فواز الزويهري

	الله الله صح لسانك وبيض الله وجهك

صح بدتك ووجهك ابيض

	المشاركة الأصلية كتبت بواسطة الحب الباقي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

صح بدنك
ووجهك ابيض