المدح مايرفع بيوت المراويح**والذم مايهدم بيوت النجاحي

سلام الله عليكم ورحمته وبركاته بعد انقطاع نعود لكم بهذة المشاركه التي ارسلها احد الاصدقاء ولايعلم من هو قائلها ولكن احبب ان يطلعني عليها وطلب مني مجارات الابيات التي اعجبته وكان له ذالك....


الله على اللي نطحوه اللحاليح***مع رأس عيطا مايجيها المتاحي

يموج عن روس الحصى موجة الريح***ويطمر مطامير السبع بالمراحي

أسود سواده ليل مابه مصابيح***أو شامة في خد بنت الصباحي

اللي عليها ترفع العقل وتطيح***بنت الرجال مجننت كل صاحي

يلفي على اللي مايحن المفاطيح***كريم سبلا بالليال الشحاحي

.... ولد .... ظلال المداويح***درعن يوقي عن شطير السلاحي

لبيبان بيته ماتركب مفاتيح***ترقل ضبابه بالمساء والصباحي

والمدح لو سقناه صوب الضحاضيح***عيو علي مجربين الضحاحي

هرجن بلا برهان مثل التصاريح***اللي سمعنا ياقناة البراحي

واسلم وحييلي ربوع المساريح***اللي تعرف المهمجه والقراحي


ردي ومجاراتي للبيوت السابقة


سلام يابلسم قلوبن مجاريح***اطيب سلام يابعيد المشاحي

سلام يارأس الرجال الطحاطيح***سلام مني ياطيور الفلاحي

السالمي معتاد في هبة الريح***يصيد لو أنه كسير الجناحي

ياصاحبي توي مصلي تراويح***الصدر عقب الصوم فيه أنشراحي

بعض السوالف لو تزيد التباريح***ماحدن يدور من ورها رباحي

أحذر رعاك الله ناسن مشافيح***تبحث عن الزله بكل النواحي

لاأحدن يصدق في دموع التماسيح***اللي تباكى في زمانن وراحي

والطيب يبقى للوجيه المفاليح***أهل الكرم يوم الموارد أشحاحي

أهل الوفا والطيب رجالن زحازيح**والحق نور وصادق الهرج ماحي

والحق أبلج يطرد الزيف ويزيح***أقبل شعاع الشمس والليل راحي

ولا يرفع الرجال كثر التماديح***حتى ولو حطوا عليه الوشاحي

والمدح مايرفع بيوت المراويح***والذم مايهدم بيوت النجاحي

والحر يفهم بالاشارة وتلميح***أن كانها بالجد والا مزاحي

من شال ربعه يوم شالوه مايطيح***ومن عافهم خلوه ربعه وطاحي

صح الله اللسانك وبيض الله وجهك

صحت السنتكم
والله يـعـطـيـكم الـعـافيـــــــــــة
بيض الله وجيهكم

بيض الله و جيهكم و يعطيكم العافية

	المشاركة الأصلية كتبت بواسطة بخيتان البشري

	صح الله اللسانك وبيض الله وجهك

بخيتان البشري

صح بدنك ووجهك ابيض
وكل التقدير لطيب المرور ونبيل الشعور

صح لسانك وبيض الله وجهك

	المشاركة الأصلية كتبت بواسطة الحب الباقي

	صحت السنتكم والله يـعـطـيـكم الـعـافيـــــــــــة بيض الله وجيهكم

الحب الباقي

صح بدنك ووجهك ابيض
وكل التقدير للمرور وطيب الشعور

	المشاركة الأصلية كتبت بواسطة محمد الشاعري

	بيض الله و جيهكم و يعطيكم العافية

محمد الشاعري
وجهك ابيض والله يسلمك
وكل التقدير لطيب المرور وكريم الشعور

	المشاركة الأصلية كتبت بواسطة فواز الزويهري

	صح لسانك وبيض الله وجهك

فواز الزويهري

صح بدنك ووجهك ابيض
وكل التقدير والاحترام لكريم مرورك ونبيل شعورك

الشاعر نادر النادر

صح لسانك على المجاراه الجزله الرائعه
مع تحفظي على بيت :
المدح مايرفع بيوت المراويح

من وجهة نظري انه خانك التعبير فيه
واتمنى انك تتقبل وجهة نظري