ياغاية أحلامي :؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛:؛؛؛:؛:؛:؛:؛ :؛

🌿🌿🌿🌿
((ياغاية أحلامي ))


.....
🌿🌿🌿🌿
يابو عيون النون راعي غناها
كلفت روحي بالمودات تكليف
...
منك الطبيعة تاخذ أجمل صفاها
اللون والأحساس والنبض والطيف
...
ياغاية أحلامي وروحي ومناها
أنت ربيع القلب ... والناس لي صيف
....
لو يزعلون أقول زِعلوا لرضاها
وإن كان رضيوا ما سألت الرضا كيف
....
مجنون .. عاشق .. هايمن في غلاها
ياناس ... لو قلتوا ترا يلحقك حيف
....
ماهمني قول ن حروفه كساها
ثلج الشتا .. من قلب ماله مجاديف
...

أنا الأسير اللي قيوده شراها
بأغلا ثمن ... مدفوع ماشابه الزيف
...
يابو ثمان الصبح مَشرِق ضياها
منك النسم يضفي على الورد تشريف
...
فيك الثماري ناضجة من رواها
محفوظ ماله من علوَّه مقاطيف
...
شارف شريف شمول عرفك نقاها
مالك مع أهل الدون ولف وتواليف
...
ترقا على نجوم السما في علاها
وتمشي على روس الجبال المشاريف
....
اسمك حروف الود معنى صداها
والود ... شخصك عرفه خير تعريف

🌿🌿🌿🌿
🌿🌿🌿🌿
🌿🌿🌿🌿