سلام عيدية وفاء كلن وله منها نصيب

السلام عليكم ورحمة الله وبركاته

وكل عام وانتم بخير

قصيدة القيتها في ملتقى العيد للحجورة من قبيلة بشر من حرب

في يوم الخميس الموافق 4/ 10/ 1435هـ

ابدأ بذكر اللي عباده فالخلايق ماتخيب = الواحد المعبود سبحانه وجلا في علاه
ياربنا انت السميع اللي لدعوانا تجيب = اسألك تجمع شملنا ياحي ماخيب رجاه
من بعدها ياهاجسي هيا لما اريد استجيب = هات الحروف اللي بها شعري يشرف مستواه
لاغصت في بحور الشعر الدر لاغيره تجيب = وانتا تعرف بضاعتي والحر مايبغى وصاه
لاجاتني منك الجزال انا على قولي حسيب = والشعر معنى مايصيبه كل من جاه ورماه
سلام عيدية وفاء كلن وله منها نصيب = من خاطري عد النجوم اللي تعلت في سماه
للي لهم بالوصل وزعة فالموافى ماتغيب = ضيوفنا وربوعنا فالحفل ورموز الغناه
يامرحبا يامرحبا يامرحبا ترحيب ذيب = فالحلة اللي قصرها عامر ينومس من لفاه
عند الرجال اللي عوايدها تزيد الطيب طيب = الآد حجر اللي لهم بين العرب منسب وجاه
لجل الوفا بين العرب مكسب ومردوده يثيب = والآدمي عن ماعمل يلقى من المولى جزاه
الحر في درب الوفا ماكل لو راسه يشيب = وخطه على سطر الوفا حرفه يفرّح من قراه
العيد مكسب للبنادم والتواصل يستطيب = اللي سعى له يلتقي لاشك من ربه رضاه
ومغلوب حظ اللي نوى درب القطاعة 0 والمعيب = إذا تمادى بعد منصوح الآمة والدعاه
هذي هجوسي صغتها عسى لها حظ وتصيب = إعجاب كل الغانمين وعذر تقصيري حواه
وختامها يامن حضر صلوا على اغلا حبيب = على النبي الهاشمي آلله يجمعنا معاه