مشاركه أوّليّة بملتقى حرب الرسمي ..

يـا انصـار فكـري كانـكـم لــه مقـرِّيـن = بمخاطبـة قـائـد مــن الـعَـرَب فهـمـان
لـو مـا استطعـت أقابلـه فـي دواويـن = أقــول بالأبـيـات مــن بــال عـمـسـان
سـلام يـا اللـي فيـك فـخـر العدولـيـن = وأنـا مـن اللـي فـي جلالـتـك فـخـران
إي والله أفخر مثـل مـن بـك فخوريـن = يا ابن الزِّعيم اللي جمع شمل شتَّـان
اللـي عيالـه مـثـل ممـشـاه ماشـيـن = واليـوم دورك ضمـن كَرْمـيـن الأيـمـان
يـا الملـك عبـد الله زعيـم الشِّجيعـيـن = فـي ساعـةٍ تَطْلِـب قواطيـع شجعـان
يــا قـائـد الإســلام ريــف الضِّعيـفـيـن = بعون من فضله على الخلق الإحسان
أقــول يــا محـبـوب عـشـر المـلايـيـن = مــع كثـرهـن وزيـــادةٍ دون حـسـبـان
يا سيِّـدي مانـي مـن اللـي بسيطيـن = وأنت الزعيم لدولتـي يـا أخـو سلطـان
هـذا وأنـا مـانـي مــن الـلـي خفيِّـيـن = مـتـبـيِّـنٍ لــلــي بـالأعـيــان نــظــران
مـثـل الـهـدف لمعـايـريـن النّيـاشـيـن = الـلــي يـقـولـوا للتفـافـيـق نـيـشــان
وأقـــول لـــك يـــا خـــادمٍ للحـرمـيـن = صـارت دِّريشـة عشِّتـي لوحـة إعـلان
إعـــلان للتـهـديـد بـالـزِّيـن والـشِّـيــن = لـو مـا تبيَّـن لـي عـن القصـد بـرهـان
وأنـا أحسـب التهديـد بـسّ بفلسطيـن = وأثره مـرض مستفحـل بكـلَّ الأوطـان
من صار بالمنصـب تحـدَّى السَّلاطيـن = وش أنـت يـا فرعـون لـو معـك هامـان
يــقــدح زنــــاد مـثـوِّريــن الـبـراكـيــن = يـا ودِّهـم فـي صفـقـة فــلان بـفـلان
مـن شـان ذلـك قلـت بالشِّعـر بيتـيـن = مانـي بشـاعـر مـيـر سـوَّيـت قيـفـان
أقـــول يـالـلـي للمـعـانـي فهـيـمـيـن = للفاهميـن القـول مــا هــو لغشـمـان
مبداي باسم اللـي لـه الخلـق راجيـن = بسم الكريم اللي علـى الخلـق منَّـان
مبدا الكلام اللي حضـى لـه مضاميـن = مـتـعـدِّدات وفـيـهـن الـفـكـر حــيــران
أشـوفـهــن متـشـابـهـات الـعـنـاويــن = لا شـكّْ كــلِّ لــه مــع الـرَّمـز عـنـوان
وأنـــا غـشـيـم وجــاهــلٍ بالـقـوانـيـن = ولانــي بمـكـلـوفٍ بتنـبـيـش خَـفـيـان
مير البـلا اللـي جـو مـن البعـد عانيـن = مـا ودِّهـم يصيـر لــي نــوع مِسـكـان
وشلون أباجِد مخرجي من حسوديـن = وأنـــا وحـسَّــادي قــرايــب وجــيــران
لـو قلـت أنـا مسلـم وبـيـن المصلِّـيـن = يمكـن معاديـهـم وهــم لــيّ عــدوان
بـأرضٍ خلقهـا الله بسطهـا لـنـا عـيـن = منـهـا خُـلِـق آدم وفـيـهـا لـــه ابـنــان
إلــى مــا شــاء الله وهــي للثَّقـلـيـن = واللـي خلقـه الله مـع الإنـس والجـانّ
والإنـــس مـنـهـم الـرســل والنبـيِّـيـن = بالـعـدل مسعـاهـم لمـرضـاة رحـمـان
آدم وشـيــث بـطـاعـة الله سـاعـيــن = وقابيـل فــي قتـلـه لهابـيـل غضـبـان
وصار الغضب يحدث ولو بيـن الأخويـن = وصار الرضا في حـقّ خايـف وطمعـان
مثـل الجشـع بعيـال يعقـوب جشعيـن = باللـي علـى فـقـداه يعـقـوب عمـيـان
وأبصـر برحمـة أرحـم مـن الرِّحيمـيـن = عالِم خفـيّ صـدور مـع خُـون الأعيـان
فَزْعَـت كليمـه فـي مصـارع فراعـيـن = ومغيث ابـن مريـم مـن اتبـاع شيطـان
وبـاعــث مـحـمَّـد صـفــوة الآدمـيِّـيـن = الهاشمـيَّ المصطفـى نسـل عـدنـان
لـــو الأوادم فـــي هــــداه مـتـقـدِّيـن = مـا صـار بـه داعـي لقاضـي وسـجّـان
لكـن غضـب ذا النُّـون جـا لـه وريثـيـن = اللـي ببطـن الكـون مــا هــم بحيـتـان
وأنـــا ورثـــت أيّــــوب والله يَـشـفـيـن = لعـلِّـنـي بــأمــرٍ مــــن الله شـفـيــان
مـن مـا بعـض النَّـاس فيـه متمـاديـن = متوارثـيـنـه مـــن قـديـمـات الأزمـــان
وإن قيـل وش ودَّاك عـصـر القديمـيـن = قلـت الكتـاب اللـي بـه العلـم وكــدان
اللـي علـى علـم منـه يسبـق العيـن = في مثل ما أخبر فيه هدهـد سليمـان
صحـيـح أنــا مـانـي مــن الجامعيِّـيـن = مـيــر الـتَّـجـارب للمـديـديـن عــرفــان
عشنـا وشفـنـا بالـدِّوانـي والأقصـيـن = نـــاسٍ تـسـابـق لـلـفـضـا بـالـطَّـيـران
لو ابن أبي طالب على وقـت هالحيـن = مـا ضـاع وقـت الثَّـار فـي دمّ عثـمـان
الـلـي وهــو قـائـم يــؤمَّ المسلمـيـن = نـفَّـذ بــه الـمـجـرم وبـالأمــر كـتـمـان
ينشـد قريبينـه عـن المجـرم منـيـن ؟ = قالوا ما هو من جلدتـك يـا ابـن عفَّـان
يـا مــن يـصـدِّق كلمتـيـن الهروجـيـن = يــا للعـجـب مــا بالقريبـيـن فـرســان
أمـــرٍ يـخـلـط الصَّـادقـيـن بـكـذوبـيـن = عنـدي تسـاوت فيهـم كـفـوف مـيـزان
وأشـوف حالـي منهبـل بيـن صاحـيـن = الـلـي يحسبـونـي بشيـفـاز سـكـران
وأنـــا أتـأمــل مـــا قـريــت بكـتـابـيـن = واللي سمعتـه مـن سواليـف شيبـان
وقـريــت فـــي قـصـائـد الجاهـلـيّـيـن = ولـقــيــت بـالأبــيــات زودٍ ونـقــصــان
ونـشـدت نــاسٍ بالقديمـيـن عارفـيـن = متوارثيـن العِـرف مـن منطـق لـسـان
قالـوا لـي إنَّ الصادقيـن بـذاك الحـيـن = ضيَّـع صحـيـح أقوالـهـم قــول كِـذبـان
قلـت إيـه هــذا فــي زمــان المولِّـيـن = وشلون عصر النتّ مع شعب طيشـان
في ناس وقتي شفـت كثـر الخبيثيـن = أهونهـم اللـي مثـل طيـر ابـن بـرمـان
مــا منـهـم الـلـي يتِّـعـض بالمجلَّـيـن = اللـي تشرُّدهـم مـن أسبـاب طغـيـان
يا سيِّـدي مانـي مـن اللـي شموتيـن = لا خـيـر فالـلـي بالمخالـيـق شمـتـان
لكن عرفنا مـا حصـل فـي فلسطيـن = مــن وعــد بلـفـور المـتـرَّخ إلـــى الآن
مـديـنـة وحـــده وقـسِّـمـت لثـنـتـيـن = وسكَّانهـا كــلٍّ مــن القَـسـم ذهــلان
وأوّل تـجـمُّــع لـلــرجــال الـزِّعـولـيــن = منـظّـمـة أيـلــول الأسْــــوَد بـعـمَّــان
ومـــن قبـلـهـم وش صـــار لليـبـيِّـيـن = بقـيـادة المخـتـار مــع جـيـش طلـيـان
واللي حصل في عام سبعـة وستِّيـن = يدري بـه ب سَينـا مـن النَّـاس عربـان
وأيضـا عرفنـا اللـي بـعـد ذلــك وويــن = جــولان مــع لبـنـان وبـــلاد الأفـغــان
واللـي حـصـل فــي منـدنـاو الفلبِّـيـن = ومـن قبلهـم كشميـر وبـلاد شيشـان
والــلــي بيوغـسـلافـيـا البوسـنـيِّـيـن = والهرستـك واللـي حضـى فيـه بلقـان
والـلـي حـصـل بعراقـنـا يـــمّْ نـهـريـن = جيـش العراقيِّـيـن مــع فــرس إيــران
والـلـي ســـرا بـقـيـادة العسكـريِّـيـن = مسـراه مـن بغـداد وأصبـح بدسـمـان
واللي حصل في بلادنا من مفسديـن = قـامـوا بتنـفـيـذه خبيـثـيـن الأضـغــان
أضــرارهــم بمـواطـنـيـن ومقـيـمـيـن = تَــرَمُّــل أرامـــــل وتـيـتـيــم يـتــمــان
وإن مـا جــردتّ الغـمـد للمستحقّـيـن = والله ليطـلـع شــرّ بالـكـون مــا كـــان
شــرّ المـوالـي لـيــا بـــدا بالمـوالـيـن = ثـم قامـت الخنـجـر تـسـوَّق بقصـبـان
عـلّـة بـطـن مــا ينـفـعـون الـمـداويـن = لو معهم إشاعـات فـي تسـع الألـوان
مــن حولـنـا نــاس تـحـدّ السِّكـاكـيـن = لكـن لجمـع المـال مـا هـم بشجـعـان
اللي مضـى مـن ناسنـا حـول جيليـن = مـا منهـم اللـي قــال للـقـدس ديَّــان

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

الشاعر
الحالي الغيداني
الله يحييك في ملتقى حرب الرسمي
بين ربعك والاصدقاء من كل القبائل
مرحب فيك يابن العم الغالي
وشرفنا تواجدك بيننا
وصح لسانك وعتلا شانك

	المشاركة الأصلية كتبت بواسطة الحب الباقي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

صح الله بدنك يأبن العم

بالاشاده الجزله من الجزل والوسام التشريفي الله يشرّف مقداركم

تحياتي وتقديري للجميع ::: ســـــــــلام

صح لسانك وحياك الله

	المشاركة الأصلية كتبت بواسطة سعد المحمدي

	الشاعر اللحالي الغيداني الله يحييك في ملتقى حرب الرسمي بين ربعك والاصدقاء من كل القبائل مرحب فيك يابن العم الغالي وشرفنا تواجدك بيننا وصح لسانك وعتلا شانك

ابن العم : سعد الله يبارك فيك يالطّيّب ولايهون الغير

الله يجزاك الخير ع هالتشريف بهالاشاده الجزله من الجزل

والله يقدرني على مايرضي الجميع : تحياتي :: سلام

	المشاركة الأصلية كتبت بواسطة ابوهليل

	صح لسانك وحياك الله

ابن العم ابو هليل صح بدنك والله يحييك

نسأل الله أن يشفيه شفاء عاجلا غير أجل
صح لسانك مدد لاعدد

	المشاركة الأصلية كتبت بواسطة شموخ الاصيله

	نسأل الله أن يشفيه شفاء عاجلا غير أجل صح لسانك مدد لاعدد

آمين آمين الله يجزاكي الخير

صح بدنك يابنت اخوي مشكوره ألف على الاشاده الجزله من الجزله

تحياتي :::::::: ســــــلام

الشاعر القدير ~اللحالي الغيداني
حـــياااااااااااكـ اللّه ^^
وصــ لساانكـ ــح وبيض الله وجهكـ
دمت بحفظ الرحمن