Oo

11-11-13, 12:47 PM

قـالــو بـــدو قـلــت لا شـكــه ولا ريــبــه
تـعـال اعـلـمـك يـالــي كـنــت تـجـهـنـا
حنا الـبدو حنـا اهـل مكـه واهـل طيبـه
وارض الجزيـرة بلـدنـا واهلـهـا حـنـا
وديـان نجـد وشـجـر نـجـد ومراقبـيـه
حتى الحجر لـو سالتـه قـال مـن حنـا
تـاريـخـنـا بـقـمــه الـتـاريــخ تـرتـيـبــه
به وسمنـا وأسمنـا وجـذور مـو طنـا
شجرة نسبنا ما هي بجـذور تركيبـه
من ضيـع اصلـه تسمـي فــي قبايـنـا
حنا هــل المـجـد والمـعـروف والهـيـبـه
والـحـلـه الــلــي تــــذري مــــن تـزبـنــا
والـغـدر وخيـانـه الـجـيـران والغـيـبـه
من قبـل الاسـلام مـاهـي مــن تعامـنـا
رجـالـنـا كـــان تـنـشـد عـــن عـذاريـبــه
يـرهـن عبـاتـه بـسـوق الهـيـل والـبـنـا
كلش ولا الضيف من تنقص مواجيبه
لو شـان وجـه الدهـر للضيـف ماشنـا
وأنـت تـعـرف قـدرنـا والعـلـم تدريـبـه
ولانجهل اللـي تريـد ولا انـت جاهنـا
في خاطـرك شــيء تقبلـبـه وتقفيـبـه
وتاقف بـبـاب الحقيـقـه قـبـل تاصـنـا

سالم الطحش