ياحادي العيس

،،

ياحادي العيس ياحادي=لحن إبتدرناه لي رده
صقار هَدْ اول المادي=طير وكفخ ريش للهده
لا حِجِّلْ السَبق ؛ الأعدادي=ولا طُوِق اجهاز ؛ يرتده
ما أدرجت الانظار منقادي=مآ هده بالشوف ولا أرده
آمِره وأنهاه لإيرادي=بالشَوْف أحْدِره وأسّنِدِّه
طوع الافاكير مسنادي=طوع الافاكير معوِده
في هد ولا فمعوادي=يا مكرمه عند معتده
مألوف ماخوف الأعادي=مقدام الاطيار ما ألَّدِه
ما بين صادر وورادي=شَفَّرّ بالارسال مع سَدِّه
من يوم هو فرخ ما نادي=ماناد ما هِدْ به ؛ نده
له حروة ... له وقت ... ومرادِ=وَعْد الرخا بعد مشتده
فالطير لابد من شادي=وفالوقت لابد من ضده
ولا رحله الا لها زادي=ولا دِين إلا وله رِده
ولا رِدّه الا لها قادي=سنة أبو بكر منعده
ماليء فضا الصمت نشادي=انغام رتم السعد جَدُه
ما يِقبِل الدرب بالبادي=وما أقفت مطايا بمنجَده
بأذواد ماهي بالأذوادِ=ب عِدَه ماهي بلا عده
ولَّا على عُرّبْ الاجيادي=من جَدها العزم والجِده
سارت من ابلاد لبلادي=ولا هي عن الضد محتده
تكهن عن الشمس ؛ الإنجادي=وتسري مع الليل ؛ مسودُه
الوجد فالقلب الامدادي=ما غير الامداد مزوده
رغاب منقوض الاجعادي=رعبوبة الشوق مِبْعِدَه
تملا الافق ريحة الكادي=وتحجب سنا الشمس مجنَده
حريرها أذهل بالأجوادِ=من وين هي الشمس ممتده
الشمس من فرع الأطوادي=ولا من اجعود مكتده
وجت تسبق الرايح العادي=يعدي بها ود من وده
ونسائم الليل للغادي=لاسُكْن ولا هي بمنشده
أمسى وهو سيد الاسيادي=لاغل لاحقد لاضده
ولا أصبح ألا له منادي=محتره في جوف مُبْرَّدَه
في ملتقى عرش الاضدادي=والامر لله وبيده
لا لاح ولا دن رعادي=ولا بارق الا بمرعده
سيل احتدم مضنك الوادي=عامود بيت الذري هده
لا جهاد معلن بالاجهادِ=في وقت الابدان مُجّهَدَّهْ
منقاد لله مقتادي=ما أعطاه من بعدما صده
ما عز به حب الاولادي=وسوى من الحُكم له ؛ سِده
ما أشغف منه ، شيء بفؤادي=فضلاً على ان يكن نده
ابلاد ندت بالاجسادي=لازالت بالشوق مظهده
أشغلني إشغال مو عادي=فالفكر والهجس له مده
ما أزيد به رغم الابعادي=إلا والاشواق معتده
ما عشت غيبوبة اسهادي=ولا نامت العين مِرقَدَّه
احلام يقظه ورقَّادي=أتوهم ألقاه لو لَدَّه
بوصيك ياحادْ الانشادي=وأبا أوصي العيس فموِدَّه
كل ما تجي ابلاد روادي=ألقي سلامي لهم رده
وفي حضنك ابلاد يبلادي=زعيمها عاش من قده
فاديك بفلاذ الاكبادي=صارت محبتك له ور ده
وان جيتني بالخبر نادي=بأخبار غياب مُسعَده
ياحادي أبشر بالاسعادي=أبشر بشارتك مِجوَده
لأهديتني البُشرى بأهادي=ياقوت ولا بزمْرُّدُه
حُفَّاظ معروف الأيادي=سوادي ماهي بمولَدَّه
فياحادي العيس ياحادي=لحن ابتدرناه ما أرده

وسلامتكم