سلام وتهنئة

ياسلام الله سلام محتوي داخل لحونه =الوفا ياهل الوفا مدي لكم عبر القوافي
جيت بادي به عليكم كلكم تستاهلونه =كل عام اعتز به واقدمه من قلب صافي
للربوع اللي وفاهم كل الامة يذكرونه=ناقلين الطيبة بين العرب بين وخافي
اقبل الشهر الفضيل الله عساكم تبلغونه = يالعل الله يبلغكم صيامه بالعوافي
ياعساه يهل والخيرات من خلفه ودونه= وفي امة الاسلام عم الخير وانزاح الخلافي
تهنئة مني عدد ماناح طير في غصونه =للرفيق وللصحيب وكل من يسمع وشافي
اقبلوها من رفيق مايبي منها معونة = يوم قدمها لكم مبدا سنافي مع سنافي
ونطلب من الله يرحم كل من شدة ضعونه =انقضى عمره موحد مامشى بالانحرافي