يحسب رياح الشوق لجله خفيفه..!!

بسم الله الرحمن الرحيم

السلام عليكم ورحمة الله وبركاته

مسكين قلبي طاوع الموج.. غلبان=يحسب رياح الشوق لجله خفيفه
مايدري ان البحر في رقته خان=كل السفن.. والريح وسطه عنيفه
كسرت مجاديفه على شوق ربان=وامسى وحيد الروح منهو يخيفه
اللي نوى يصطاد..وللحين غرقان=من ينشل عظامه وقبرن يضيفه!
غامر بنفسه وانتهى دون عرفان=والوقت ماصادف على طيب كيفه
كله سبايب رغبته شوف الانسان=اللي سطى للعين واصبح خليفه
يحكم على مايريد من دون ميزان=حتى غدت عيني من اجله كفيفه
قلت الدلع والهمس وعيون غزلان=وانفاس عطره والزهر في خريفه
صارت معاناة الشقا يم الاحسان=الزين..يعمي القلب..لو فوق جيفه