تحتاج من فوق العبايا عبايا

ياصاحبي دام السوالف بها طمس = ولايطلع الموضوع بين البرايا
جاتك مشاعر صابها بداخلي حبس = منها كثير الناس عاشت قضايا
وجدي على اللي شفتها تركب الجمس = معروض توه بالوكاله دعايا
ماكنها عاشت دقايق على الشمس = بيضا ويسطع ضوًها بالمرايا
بشرة يديها ماشكت حرقة الحمس = للخادمه تامر وتنها بعصايا
حتى ابوها ظنتي يصفق الخمس = من الدلع دايم يجيب الهدايا
جوالها بي بي وثاني ابو لمس = ومن ثقل شنطتها تثير النوًايا
من الجزاير ظنًتي جات بالامس = واليوم سوًت بالخلايق حكايا
كن الخلايق وقتها صابهم مس = الله عطاها من جزيل العطايا
فيها الكبر مغروس ياصاحبي غرس = تمشي بوسط الناس وحنا بزوايا
قفًت وانا قفًيت بالموكب العكس = وفي خاطري بيتين قبل النهايا
بعض العبي ياغاليه تفتح النفس = تحتاج من فوق العبايا عبايا
لاتتعبين الناس بالشكل والهمس = يكفي علينا من كثير الخطايا