( يا عزيزه وزادت بالمحبّه عليّه=قدرك اسمى من اللي بالذّهب يوصفونه )

/
/
/
/
/
/
/
/
/
/
/
/
/

عشرتي معك عشره ياصحيبي قويّه=من ثلاثه سنين الود يزداد صونه
يا عزيزه وزادت بالمحبّه عليّه=قدرك اسمى من اللي بالذّهب يوصفونه
وانت يانور عيني ماتجيب الخطيّه=اعرفك فيك ذوق وهرجكم تازنونه
ولو يجي منك خطّ بغلطةٍ مطبعيّه=لازم ادمح خطا في خطّ لي تكتبونه
انت عندي عزيز ومحسن ٍ فيك نيّه=لو بوصّف غلاك اعجزّ ولا تفهمونه
والزّعل ماطرالي لحظةٍ يابنيّه=لو بدالك زعلنا نفسنا بك حنونه
اتغشمر معك يابنت ياغشمريّه=صاحبك في صحيبه ماتخيّب ضنونه
معجبٍ وآتشرّف كانك اعجبت فيّه=ساق عذرك وفاك ولاتشوف المهونه
واشكرك فعتذارك يوم سقتيه ليّه=وعادة اهل الشّهامه فالعذر يقبلونه
هرجتي لك صراحه واقبليها هديّه=عادتي صاحبي ماتجيه زلّه وخونه
وروّح ابليس عنّا دون لايجيب سيّه=ماقدر فالحبايب دامهم يلعنونه

الشّاعر / خالد بن عبيد بن معتوق ألأحمدي