يمكن نحرر يوم باقي فلسطين

تجول في داخل نفوس المساكين= والناس كلن يصطفق في همومه
تغيرت ضاعت جميع الموازين=وراع السلوم الله يجمل سلومه
اليا رقد بالليل تقريب ثنتين=يصحي ويصبح مبتلش في حلومه
الناس عدوا وكسروا عام اللفين= وبعض البشر باقي يعدل هدومه
صارت اماني شعب عدى ملايين= متى على الله يهتني في قدومه
يمكن نحرر يوم باقي فلسطين= وراعي العزوم الله يقوي عزومه
بس الأكيد الدين يبقى هو الدين= وراع الطلب لابد يقضي لزومه
ان ما قضاه اليوم بكره بعد حين= معلوم مايرتاح حتى بنومه
مسكين يحلم في حلوم السلاطين= بس ابتلش والحلم صعبه رسومه
ياهل العقول الحلم مقسوم قسمين= حلم الغضب واحلام ليل ونجومه
مدري متى ناصل ونمشي على وين= وليت الزمن ينطق ويكشف علومه