لا قالوا أكبر مشكلة قْول حبيت

،،

لا قالوا أكبر مشكلة قَوْل حبيت=أمر وأدهى ماعرفنا بعضنا
حيٍ عباراته عليه توابيت=لا قاد ثورة بالحروف انتفضنا
حاولت أقنع خاطري عنه وأزريت=مع كل شده لإنتباهي ؛ إفترضنا
حتى تخيلته وانا طايف البيت=من ساعة اقدوم الحرم لين فضنا
لامن عرض لي عارضٍ ما تحاشيت=وكم إعترضنا فيه ويا كم عرضنا
وكل ما غشاني طايفه ما تذريت=وكل ما تكاشف برق بارقه نِضنا
لاقلت ناوي بحتمي عنه ؛ مليت=واليا احتميت ان لاح بارق نقضنا
وان رحت سوق انهوْ وانا ما تشريت=اروح وارجع ما قضينا غرضنا
فهو الذي لا من تطببت داويت=وهو دواء دانا ، وبعده مرضنا
أتعب أنا لا صار حاضر ؛ يبا الفيت=وأتعب أنا لا مر طيفه رمضنا
حتى رمضني الحال لو ما ترمضيت=والبعد صاب الحال بالوجد وأضنى
فإن جيت أبا أسطى مثلهم ما تسطيت=يمكن يجي لفت النظر لإستفضنا
وإن جيت أبا أخالف نظام الاتيكيت=معرفاتي لو شعوب انقرضنا

وسلامتكم