جيناك ياعايش

السلام عليكم ورحمة الله وبركاته
هذه الأبيات المتواضعة شاركت بها في حفل تكريم الدكتور عايش عطية البشري
ابن عم شاعرنا حفيد الحجيري لحصوله على أستاذ مشارك بجامعة أم القرى
بحضور شيوخ وأعيان قبيلة بشر بني عمر والقبائل الأخرى وزملاءه من هيئة التدريس بالجامعة
بقصر أفراح الظاهري بعسفان الخميس الموافق 3 / 7 / 1433هـ علها تحوز على رضاكم

الحمد لله خالقي سبحانه=الواحد المعبود جل شأنه
ثم الصلاة على النبي محمد=وعلى الصحابه ومن تبع باحسانه
أمّا بعد سلام الله المبدا=للحفل والحضار فرداً فردا
الله على خير اللقا جمّعنا=على الوفا كلٍ حضر فالوعدا
يامرحبا لضيوفنا مفروضه =أعداد ماصلى المصلي فروضه
نفرح بكم يامشرفين المحفل=يامن بكم عايش تزيد حظوظه
فـي لـيلةٍ طـابت بهـا الأفـراحي=ومن الزهر متلبسة بوشاحـي
ووجودكم فيها شموع ضياهـا=يا مـرحبا من بالـي المرتاحـي
العلم نور وطالبه مايخسر=من يطلبه لله يظفر يظفر
والعلم بحر ماتقاس حدوده=واللي يحاول في نظرنا يكبر
جيناك ياعايش لأنك غالي=فقلوبنا لك المكان العالي
واجمل تهاني نزفها تقديراً=تسلم لنا يافارس الأبطالي
واجب نبارك لك بالاستاذية=الله يعزك ياصفي النيّة
كل من حضر فالحفل جاك يبارك=أغلى ورود الكون لك مهديّة
طلت الهدف والغايه المنشوده=والفضل للي مايخلص جوده
ماجات لك على طبق من فضه=ولا لقيت دروبها ممهدوه
خضت المصاعب باجتهاد الطامح=مدرس ودارس فالمسا ومكافح
أعانك الله في مسيرة حلمك=عساك دايم في حياتك رابح
أستاذ فاضل تربوي موجّه=تتقبّله لامن أتاك يوجّه
باسلوب راقي يجبرك تصغي له= إليا تحدّث يقنعك بالحجّة
هذا كلامي واسألوا طلابه=ولاّ اسألوا ربعه وكل احبابه
من يعرفه يشهد بصدق اقوالي=ويقول ونعم ياعزيز اللاّبه
الله عسى دايم يصونه ربي=ربٍ يعرف اللي فداخل قلبي
هاذي مشاعر خاطري غناها=إهداء مني عن بشر من حربي
تمــت وتــم ختامـها والمعـنـى=الله عـلــى خـيــر ووفــا يـجـمـعـنــا
وازكى الصلاة وخيرها واحسنها=على النبي يـوم الحشـر يشفعـنـا

صح السانك يا ابو وائل راعي وفاء

واااااااااااااااااااااالف مبروك
ويستاهل عايش البشري
وكفو والله لايضيع للمسلم جهد
من سار على الدرب وصل

وفيت ولاهفيت وصح لسانك وبيض الله وجهك
قصيدة تعبر عن نفسها

تسجيل تواجد في منبر الجزاله
صح لساانكـ
بيض الله وجهك

الف مبروك
ويستااهل البشري عايش
والله يوفقه
وصح لسانك يابو وائل
ابيات رائعه
تحياتي

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

صح الله لسانك
ولاهنت
وسلم فكرك وبنانك
دمت برعاية الله وحفظة

ااالف مبروك
يستاهل الدكتور/عايش البشري

صح السانك وسلم بيانك
استاذ/سالم البشري

وفيت وكفيت لاهنت

صح لسانك ياذيبان


قصيده جزله واحساس راقي


سلمت ولاهنت

تحياتي

الف مبروك لدكتور عايش البشري
ويستاهل كل الطيب
وصح لسانك يابو وائل
ابدعت بهذي الابيات الرائعه
احترااامي