بين السوازن والبلاجيك غرقا

السلام عليكم ورحمة الله وبركاته

طل الصباح وعانق الصبح ورقا=فوق السدر تبحث عن الجول وتنوح
في فيضة ٍ من لاذ فيها تسلقا=قدم المسيل اللي من السيل مجروح
ينزلها جول القماري ويرقا=وليا رقا عود على الغصن مذبوح
من دون حبشي قبل العظيم شرقا=الفيضه اللي تسعد القلب والروح
شف الذي قلبه من الحب يشقا=يمسي بها ليله بلا هم وجروح
ثم يلعب المسحوب ياشين فرقا=فرقا الولايف دون سبه ومصلوح
اقولها واونس على السبد حرقا=قتيل ومصوب ومرمي ومطروح
شفنا عن العربان كيف انتوقا=لكن بعض الناس سلطه ومفضوح
ياصحابنا فدياركم كيف نبقى=وأنتم على الساحل مشافيح وطروح
بين السوازن والبلاجيك غرقا=حسبي عليكم مابقى طيرن يلوح
مسرى ثلاث إليال وبالحيل شفقا=يالعنبو بعض العرب وين أبا اروح
مع السلامه والسلامه لورقا=ناحت وترجمنا القوافي على النوح

ياصحابنا فدياركم كيف نبقى=وأنتم على الساحل مشافيح وطروح
بين السوازن والبلاجيك غرقا=حسبي عليكم مابقى طيرن يلوح
نعم البعض يصيد ويثلج الصيد؟؟ناسي ان الصيد حلاته في وقته

نص راائع وقصيدة جزلة لاشك

صح السانك لاهنت

صح لسانك ولا فض فوك

الكحيله

صح بدنك ولاهنتي على المرور العطر

الحيادي

صح بدنك ولاهنت على المرور العطر

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

رابح الجحدلي

صح بدنك ولاهنت على المرور العطر

صح لسانك وسلم بنانك



قصيدة رائعه بروعة حضورك



لك تقديري

ارحب يابوحمود

صح بدنك ولاهنت على المرور العطر والجميل

تحيتي

لاهنت وصح السانك

تقبل التقدير والاحترام

وفقك الله