اشهد إن المزح لا طول سماجه

اشهد إن المزح لا طول سماجه=والسماجه مالها عندي مقامي
خصً اليا جاك من راعي لجاجه=مايعرف الهرج ملعون الرسامي
في علوم المهزله ثوع عجاجه=لين فيها صار في وسق السنامي
مظهره طيب لاكن القلب صاجه=لو يحاول يلبسه زين الكلامي
ولو يجي وقت الصمايل والمواجه=جاك يركض يا حزامي يا حزامي
ولا يذكيله و لو حتى دجاجه=ولا يشيل انه عريضات العظامي
وان سكتنا عنه ولع في سراجه=وان هرجنا قام يغشاه الظلامي
ما يعرف الخبل فالهرجه خراجه=ايتخبط بين شرق وبين شامي
مير كان اليوم ما عكر مزاجه=لاتعدوني من اكبار الاسامي