سليل الاماجد

اليكم مع التحية هذه القصيدة الترحيبية بحضرة صاحب السمو الملكي
الامير عبد العزيز بن ماجد امير منطقة المدينة المنورة لوادي الفرع هذا اليومترحيبة

ترحيبة فيها الحلا حيل واجد = تنصاك يامير تعنى وجانا
ترحيبة نبدي بها صوت واحد =يامرحبا واهلين باللي لفانا
هاذي تراحيب الغلا جات من ود = قلوب تعلنها صباح ومسانا
والله من جيتك نلنا المقاصد = النور شعشع فارضنا مع سمانا
اهلا وسهلا ياسليل الاماجد = بقدومكم عم السعد في قرانا
يامرحبا ياعيد عساك عايد = دايم تجي حتى نراك وترانا
عبدالعزيز الجد والاب ماجد = وانت سمي الجد واسمك غلانا
لك حبنا يامير والله شاهد = خذ حبنا مع عهدنا مع ولانا
فيكم نرى عبدالله اللي يجاهد = يبذل جهوده لين شيد بنانا
وفيكم نرى نايف كعام المعاند = عضيد عبدالله ويحمي حمانا
وفيكم نرى اسرة تعين وتساند = نصرة لمظلوم شكا من هوانا
في طيبكم والله لسوق القصايد = ياشجرة من خيرها الله عطانا
بشراكم شعب يطيع ويعاضد = السمع والطاعة لكم ياذرانا
اليا دعيتم ناخذ الجد بالجد = حنا جنودك فالاوائل سرانا

حسين مريع العبيدي شيخ قرى وقبايل ابي ضباع