هاذي القصيده قلتها بأخي الأكبر

هاذي مراسيلي يم أبو سلطان=يا سلالت اللي محد ينطح جهدها
يا سلالت الفريس وبالفعل شجعان=عدوهم دايم بأقصى لحدها
عجزت أعبر عن مزاياك عجزان=دايم نارك إتزايد وقدها
ليا تلاقن الأيادي والأبدان=أفعال أبو سلطان كلن حمدها
صوتي تواليكم مثل صوت سرحان=ودي على هرجتك واللي بعدها
دله ترضي اللي من البعد زعلان=وتبعد عن نفس المسافر نكدها
تشفي راع الكيف لاصار غرمان=يازين سوقتها بحزت وعدها
دلالكم ملي على جال نيران=ليا بغت كيف النشامى كبدها
هاذي أفعال أبوك وأفعال جدان=أبوك الطيبه من يمينه جردها
يا الداهيه يلي مثل ضلع ورقان=وكل من يبغى الشجاعه وجدها
محمدياً من سلالات ظفران=ماقلتها يا غير ضامن وكدها
أنا أشهد أنك من الرجاجيل حوران=حراً أفعاله ماحد يحصي عددها
صوتي تواليكم تقل صوت ونان=غثبر على نفسي وزود عقدها
وأحيان مثل اللي على أبوه حنان=دمعت أعيونه فوق خده سردها
اللي سماك فهم ماهو بغلطان=أسسلك الحجة وأسمك سندها
بعدك أتعب الفكر وتعبن العيان=وحول من بين الضلوع ولهدها
حالي من بعدك تقل حال مرضان=ضيق على حالي ونفسي قردها
بعدك عليه تقل نيران بركان=يا سلالت الشجعان وأنته ولدها
ما قلتها يا غير لدي برهان=أفعال أبو سلطان كلن شهدها
يا الله عسى فوقك هماليل الأمزان=يغيم سماها ويتشابك رعدها