برشلونه واريال مدريد) والفاصل الميدان ياخالد عبيد

/
/
/
/
/
/
/
/
/
/
/
/
/
/
/
/



بدع الشاعر / خالد بن عبيد بن معتوق الاحمدي

بنّشدك يافـواز جـاوب بتوكيـد=ولنّك رياضي بنّشـدك ياالسّنافـي
لو برشلونه قابل اريـال مدريـد=فغياب مسّي لاحقه طـرد شافـي
والطّرد باوّل شوط من ظرب تعميد=ماينّفع المطـرود فيـه الحسافـي
واغوارديولا عاش في جو تنكيـد=في وضع مايحسد تضايق وعافي
لو هو يدافع صاب مرماه تهديـد=ولو هو يهاجم ردّة الخصم تافـي
دامه دماريا مـع الخصـم بيفيـد=وسامي خضيرا عنه ماهو بخافـي
لابده المذكور في ذعـره ايزيـد=يبغى يطول اللعب لاوقت اضافـي
عسى وليت فاد فاللعـب تخميـد=وضربات ترجيحه تعدّي عوافـي
لاكن ميرنهـو معـه زاد تعنيـد=زاين نصيبه فالسنيـن العجافـي
يزعق على كاكا وهو عنّه ابعيـد=اضغط على كيتا بفـنّ احترافـي
والعب لبنزيما نبي يحصل العيـد=حتى نفوز اليوم فـوز ٍ خرافـي
ويلدّ للجمهور له نظـرة اسعيـد=وجمهور خصمه مبتلي برتجافـي
مشّهد توقعتـه لكـم فيـه تعقيـد=محتاج تحليلـك وحكيـك طرافـي
وانا عرفتك رجل صادق وصنديد=وامحايد ٍ فالحـقّ رجّـال وافـي

رد الشاعر / فواز بن محسن الزويهري

جاني جوابك والمعاني كما الصيد=املبسة ثوب ٍ جديد ٍ وضافـي
صوّرت واقعنـا ومهـّت تمهيـد=وماباقي ألا تحط صورة غلافـي
وأعطيك من فهمي إشارات ما زيد=والحر يفهـم بالإشـارة وكافـي
ولوغاب مسّي غاب في لعبهم سيد=لكن تبقـى اجبـال فيهـم تشافـي
وأنا أقترح لغوار يلعـب بتجديـد=ويحط في برغاس للنـص دافـي
ويحط فاوراقه ألكسس بـه ايعيـد=حرارة اللعبة إذا اللعـب طافـي
ولابد ما يعـزّز دفاعـه بتجويـد=امن أجل بنزيما على الخصم جافي
ويرتد بالهجمه على اريال ويهيـد=ويرجع يدافع والحـذر فالقوافـي
ولا تعتقد ميرنه مـاودّه ايبيـد=اغوار ديولا بالهجـوم المكافـي
واريال فالموسم على قمـّة الحيـد=يلعب كما لعب السيوف الرهافـي
ينسل فوق الخصم للحارس يكيـد=كم حارس ٍ خلاّه يمشي خلافي
والفاصل الميـدان ياخالـد عبيـد=يمكن يكون الواقـع إلنـا ينافـي
أنظر بعينك واسمع لكـل تغريـد=ولا تصدّق اللي بين شايف وغافي
كل ٍ له ميوله وله فكـر ويريـد=يكون قسمه فـوق ورقـان نافـي
وختامها صلّي على سيـّد البيـد=المصطفى المختار فختـام قافـي